2022年3月21日 星期一

【Sudio E2 新品上市】最愛銀河灰 ❤ 降噪功能大大大提升...*


真係好耐好耐無同大家介紹產品喇!
曾經聽睇過一個笑話話呢 2 年幾五官最忙應該非耳仔莫屬XD

又口罩又耳環又眼鏡,我諗好多人都同我一樣仲成日帶住藍芽耳機聽歌、煲劇、聽收音機、聽Clubhouse、打機etc.
最近我就日日用緊 Sudio 最新推出的 E2


我地來開箱吧~~~~~~


Sudio E2 特點就係複合式降噪功能

今次 Sudio 係同 Dirac 合作,E2 內建沉浸式 Dirac 空間音效和複合式主動降噪功能,
將音質提高,同時結合 VividVoice 音頻技術,為大家呈現清晰通話品質!!



隨機貼心附送多種尺寸耳塞,梗有一對岩用


Sudio 與 Dirac 合作令大家體驗到 Sudio E2 的環繞聲響效果。
Dirac Virtuo 的空間音效,採用高分辨率雙耳房間脈衝響應技術,
所以聽起上嚟會覺得聲音係來自面前的立體音響喇叭,而唔係單純來自耳機



我真係好鐘意灰色,呢個銀河灰真係好靚!


仲有4個色比大家選擇,奶茶色同薄荷綠好適合春夏


入耳式設計加上優質的降噪功能,聽音樂真係有種與世隔絕的感覺


藍芽連接電話簡單方便,不難操作


而家仲有早鳥限時優惠,單筆訂單購買會另外贈送 Ladd+ 無線充電板 included


無線充電超方便!


最後送上優惠代碼比大家
結帳時只要輸入【CathuiE2】即享全館商品 & 優惠組合 15% OFF!
一齊感受吓 Sudio E2 高清音質體驗 : )


#sudio
#shapingsound
#sudioE2


* 產品由品牌提供


就這樣

2021年6月15日 星期二

來談談巴氏腺囊腫...*

最近又經歷了一次很痛苦的巴氏腺囊腫復發,雖然有經驗但每次都會不停問問Google大神,發現大部分詳細分享都係國內,估唔到「知乎」超多同道中人!

但香港只有幾個討論區有講,當中仲有好多花生友叫樓主貼相先知咩情況......賤!根本認真討論嘅人都好少。有見及此我想打一篇自身經歷等同道中人可以參考,就好似我早幾年 share 過耳前廔管切除手術,呢幾年都唔少人問我意見 / 詳情,其實打文都係想咁啫:)


▐ 記錄▐ 耳前廔管切除手術。過程...*


- - - 回到正題 - - - 

巴氏腺位於兩邊大陰唇,主要功能係分泌黏液濕潤陰部,當發生性行為時分泌物會增多,讓性事更順暢,不致產生撕裂傷及疼痛感。  

如果巴氏腺塞咗,加上細菌感染、發炎,就會愈來愈腫痛,用 4 個字形容會係「寢食難安」 如果好早期發現睇醫生食藥可能都仲可以壓制,但本人3次最後結果都是等成熟放膿就即時唔痛了。

第一次

實際年齡已經唔記得,好似係中學定大專?!

詳細過程都唔係好記得,只記得好痛又好驚唔知咩事,特登搵咗個間有女醫生嘅診所睇,醫生檢查完即刻話:「含膿喎!幫你放咗佢啦!」就手起刀落無麻醉之下用針吉一吉再徒手吱啲膿出嚟,痛到我喺診所尖叫。

個次經歷真係畢生難忘!不過放完膿好快就好番唔痛了!印象中之後有藥同有藥膏搽,當時仲未知係巴氏腺囊腫,只係覺得陰唇生瘡。


第二次

無記錯應該係上年年頭,又係同一位置總之都係好痛好痛,WTF相隔咗咁多年又重遇......但有第一次經驗知道放完膿就冇事已經無咁驚,我好似係有去睇醫生嘅!醫生無檢查,有比藥膏同食藥。

以下過程真係唔好學,而我都唔會再咁做㗎喇!

有一晚真係頂唔順,我自己消毒支針同手,自己幫自己放膿,只記得放咗啲黃黃綠綠嘅膿同痛到係咁喊之後又唔再痛了,我到而家都唔明點解當時可以落到針...

不過我記得之後痾第一督尿係勁拿,應該係尿接觸到傷口,不過好快就無事。

當時都仲未知叫巴氏腺囊腫,仍然覺得係生瘡。

第三次

呢次可以詳細講喇!無錯我係到呢次先知學名叫 --- 巴氏腺囊腫 

早2星期日好happy食完好好味鹹酥雞之後星期一番番下工覺得下體同一位置有異物感,去廁所檢查一睇:「Shit!又嚟!」

如果當時我有好好正視試下坐浴同睇醫生可能會壓得住,但人類總要重複同樣的錯誤!

之前睇醫生食剩咗消炎藥咁我覺得消炎就無事咪試下食,又好似真係好啲喎!但因為剩番消炎藥唔多,食晒佢又繼續腫痛,上年支藥膏因為用左好少所以仲 keep 住又未過期都照早晚搽,但完全無好轉,因為疫情之下又唔敢好似上次咁自己搞,好驚有傷口細菌感染,去到中期先試坐浴係有舒緩痛楚但實際無乜幫助。

時好時壞咁過咗10日最後都係死死地去睇醫生,好好彩係女醫生,檢查完佢開咗抗生素同止痛藥(廢㗎!) 仲話唔係好嚴重希望抗生素可以收到佢,比我好大信心唔洗再經歷多次痛不欲生嘅放膿過程。

乖乖食藥休息早訓食清淡,點知只係食咗一日藥,朝早起身去廁所發現有血omg

我已經知粒野熟到爆咗,我好冷靜地洗手消毒,一睇已經見到白色膿頭,唔洗用力都已經吱到勁多膿出嚟,吱到只係出血水先收手,之後用熟水清潔再印乾水份,用棉花棒搽早一日買定嘅必妥碘就完成成個放膿過程,同樣地放完膿係即刻唔再腫痛!3次入面呢次放膿係最唔痛的!



之後痾第一督尿仍然係勁拿好痛,要自己調較個動作令啲尿唔接觸到傷口就無事,但每次去完都用熟水清潔再印乾之後搽番必妥碘,始終疫情下都要小心處理,仲要食晒手上嘅抗生素,唔好食食下唔食會有抗藥性!


第四次 (12/2021)

係呀!半年之後又嚟料!仲要係近聖誕同生日...
一有少少異物感我已經即刻去睇醫生加坐浴,今次係男醫生,都係要觸診,不過我都冇咩尷尬了,醫生話好初期本身開抗生素藥膏(之前用過覺得好似冇咩用...),我真係唔想聖誕同生日要經歷等佢熟再爆,我問醫生會唔會有消炎藥,最後佢話咁不如開口服抗生素啦!

日日準時食抗生素同繼續坐浴,仲有沖涼時用熱水加陰力按摩吓腫脹位置
清淡飲食(戒辣避上火野)同早D訓

用熱水坐浴真係好D,但都係時好時壞
有日去樓上買嘢,諗起知乎有人教飲 / 薰蒸金銀花水有用
就買咗一包,好大包要成 70 蚊!
由於唔識點薰蒸,我就直接用黎坐浴
因為爬文見 BB 都可以用黎沖涼,咁我諗坐浴都應該 OK!
10G 金銀花沖洗幾次,凍水落煲滾 15 分鐘再焗一陣
習慣沖涼前較時間開始煲,沖完涼隔渣溝熱水再坐浴 15 分鐘

浸咗一次已經勁 Work,本身有少少腫浸完消咗好多
連續浸咗 3 晚加上抗生素已經冇晒發炎徵狀!!!!!!
之後黎 M 因為金銀花屬涼性,我就冇再浸

唯一一次壓得住唔洗再經歷痛不欲生過程真係好感動
諗住之後會睇中醫調理下身子,唔想再復發呀~~~~~~~~~~~~

預防方法

應該好多人都想知究竟點預防,其實佢就好似唇瘡咁一但中過就好易復發,只係嗰排抵抗力一弱就可能會復發。

其他都係嗰啲嘢:早啲訓、食清淡健康、唔好咁熱氣、做運動 etc.

即係大家都知但知易行難嘅嘢啦!我就應該係要早啲訓同食清淡嘅!

同埋再有下次 (touchwood) 盡快睇醫生!!!!!!

呀!仲有要著全棉底底,仲要定期更換,唔好成日著貼身褲 / leggings,唔好用護墊,保持陰部乾爽 etc.


好喇!終於打完,希望幫到大家,並祝各位身體健康 :)

2021年3月31日 星期三

清邁布婚之旅 ❤ Day Tour --- 藍廟...*


去完好壯觀的白廟食埋個比預期好的自助餐(個團包埋)
就上車去藍廟喇~
本身冇乜期望但細細地都好靚,仲好好影!
不過得 30 分鐘參觀,去個廁所參觀一下就完了...
連必食藍色椰子雪糕都食唔到呀:(


導遊幫人影慣相
 D 構圖真係拎得好好


呢個係主殿,入廟參觀要除鞋喔!




保養得好好,好精緻又乾淨







入面都好藍好宏偉





連度門都咁靚


天花同柱都好靚,好欣賞


藍 x 金都幾好睇,IG 睇到都幾多人影呢個位


3隻蝦就係哈哈哈
咁3隻老虎呢? XD


之後有 2 座守護神(?)


有個藍色水池


栩栩如生



我認得呢度台灣網紅花猴影過㗎!



所以我都要拍一下XD



呢座都好靚,感覺有 D 似 lego


只有 30 分鐘實在太趕,為了趕下一場又上車了!



就這樣


2020年11月27日 星期五

// Gaston Luga // 最近新寵 ❤ 屬於秋冬色的 Pärlan 背囊...*


最近天氣已經進入秋冬節奏,屬於秋冬嘅顏色一定非大地色莫屬 
今次介紹的新寵包包絕對係秋冬嘅顏色 !
登凳燈鄧......就係 Gaston Luga 的 Pärlan 背囊



Pärlan 背囊 一共有四個色,紅色都好吸晴,完全係聖誕節感覺 

但最後都係揀暖暖的沙漠色陪我同步過冬 (一起冀待晴空雙肩不怎麼重) 
出賣年齡,其實有無人識呢首歌 ? XD



疫情下大家應該都養成一個習慣就係出完街會清潔消毒隨身物,
而 Pärlan 係由輕盈防潑水的尼龍物料製成,清潔起嚟都易好多㗎 !


設計主要以舒適同安全並重,背部有一個隱蔽內格,可以放貴重物品
我試過勉強都可以放到一部 5.5 吋手機


好有質感的金色鐵牌


幾鐘意呢種方式嘅可調節肩帶,復古味濃


唔好睇佢細細個,真係裝到好多嘢


內裏另有間隔可以容納到 A5 尺寸文件



本身個袋都好輕身,僅 0.6kg,所以裝埋嘢都好輕便


呢個款其實好百搭,斯文又得,casual 又 OK !


好似我咁天氣有少少涼著件長身西裝外套都襯到


又或者純色長 Tee 加 legging 又得
喂 !
 #見字飲水 呀 !


最普通 Tee 加短褲都完全無問題


呢個色襯牛仔布都好好睇,所以我都拎左牛仔外套去搭配


揹住 Pärlan 帶同色系(嗯?)小狗出遊遠離煩囂睇下日落都好輕便


希望大家都有一個 Happy Friday :)

最後當然要送上讀者優惠啦 ! 

於結帳時輸入折扣碼:wincat 連同黑色星期五的優惠,立即可享高至 7 折優惠
最後一日喇 !  好好把握機會喔 !  


全球免運,免費退換

#anywherewithGL
 #GastonLuga

* 產品由品牌提供


就這樣