忽然一週年♥ 謝謝TheZtyle...送小禮*

上年o既今日係我第一日Join TheZtyle...
唔經唔覺我成為Beauty Blogger一年了 

呢一年我得到好多好多...
眼界闊左...朋友多左...
仲有好多好多機會接觸新事物...

好多朋友都會問點解最近咁多野搞
有d朋友可能會覺得咁樣太過張揚...
又有d覺得好似浪費緊時間...
亦有朋友/家人叫我小心D...唔好被人呃...
仲話邊有咁筍架?!唔駛錢比你試?!

但佢地唔會明白寫一篇用心的試用文需要付出的心血比用錢直接去買難得多...
怕自己寫得不好...
怕被人說是打手/ 賣廣告/ 擦鞋...
怕沒有人瀏覽...
有人瀏覽又怕沒有推推...
我都叫自己平常心面對...有麝自然香係我一直出文o既態度!

當然我都係人, 會有感覺, 有時覺得某篇會受歡迎點知出左反應冷淡...
有d純粹分享出奇地又好多人推喎...
真係好奇怪架, 不過亦都因為咁先至好玩嘛!

當我得到一件又一件的試用/ 禮物/ 獎品時o個份滿足感真係難以形容...
當然亦有朋友會羨慕...
但同時得到的都係我用心去經營自己個beauty blog而得來的!
真真正正一分耕耘 一分收穫...

由細到大都沒什麼抽獎運, 不過成為Beauty Blogger之後...
好運慢慢離我好近...我知道自己唔係黑仔王喇

以上都是The Ztyle呢一年給我的試用...
每篇我都用心去分享...每次都會認真試...
抽時間拍照...執相...打試用報告...通通我都好Enjoy!
亦都成為我生活的一部分...
好喜歡把生活的時間表填得滿滿的感覺 : )

仲有...每一篇試用得到你們支持/推推都好開心...
絕對係我出文的動力來源之一...
好感謝看過/留言過/ 推過的每一位朋友

除了試用...有時還要出席聚會...
其實我好慢熱...要認識一段時間先會主動D多D野講...
所以第一次聚會我緊張得不得了...

不過第一次又比我得到獎品...開心之餘都增加左不少信心!

往後都出席左幾個活動...絕對係認識新朋友的好地方!
仲可以食到平時唔會食o既野...嘴饞的我真係好開心架

得到上面的還未算....我仲有機會上雜誌~!

得到$1500可以去covermark買買買...
一直都冇分享過...因為我想一週年先同大家分享!

上面呢堆就係價值$1500 o既covermark喇!
BA好好人幫我計到剛剛好$1500 : )

包括 : 用過一定要回購的粉底霜(建議唔駛買盒...因為個卜唔好用...細細盒仲易收藏)
PF超模粉...個盒靚到爆炸...不過未用!
粉底液一支...皮膚狀態好時用粉底液負擔冇咁重...不過都未用~
最後加多2個卜...剛剛好$1500!

另一次上雜誌...雖然好細...不過都好過冇啦!
人生冇幾何...我都儲起晒喇XDDD

衷心多謝TheZtyle ♥

回顧完畢了, 到我送番D小禮比大家...
唔係什麼貴重的禮物...不過都係我一番心意!
共有8 Sets...先旨聲明, D Set其實都幾九唔搭八
all 100% news!!

最近喜歡搜尋靚襪仔...襯短boot好好睇架!

示範如下:

洗頭水護髮素!

呢支蘆薈gel我已經用左好多好多支...真係好好用架!好爽又保濕~
次次都托人o係台灣買幾支番黎備用...而家拎支出黎抽啦!

仲有呢個可以摺o既頭"cool"...我都係第一次見!
好搞笑呀! 放o係袋好慳位架~

手鐲close up...都係o係$2店買架...
我覺得好抵...襯衫唔錯架!

參加的請

1) 推一推

2) 留言講想要邊set 
(各位各位!只可以選一set同埋一定要揀定一set...如果唔係我好難抽架! 多謝合作*o*)

截止日期係星期五晚(26/11) 晚上11點正!
多過8名會抽籤決定!!!
全部包郵寄到得獎者府上

○●○●○●○●○●○●祝各位好運○●○●○●○●○●○●