隱藏於森林的古堡。浪漫滿分的生日飯...*

已經2011年....但我仲未打2010年的生日篇啊
冇辦法嘛...年尾生日又接近聖誕同新年...
真的很忙很忙!
雖然過左...但我都交待一下...
好讓我作一個記錄!

生日那天是星期一要上班
不過老闆好好人放左我半日假...
而且男友仲DAY OFF一天陪我

好,,,廢話少說...直接到重點!
晚上我們BOOK了一間位於元朗效區的西餐廳...
元朗效區竟然有西餐廳？仲要好浪漫？
係咪好心急想知呢？

餐廳名稱新天鵝堡 (前身是浪漫滿屋)

地址::元朗青山公路潭尾段390號 (近錦繡花園)

進去囉...

那天很冷啊...仲要身處郊區...

所以負責人好好安排我們到VIP房坐...

2個人霸了一整間VIP房...

(其實唔止VIP房...我懷疑仲包左成間餐廳...因為我完全見唔到有其他客人XD)

仲有聖誕歌同埋會轉色的天花!

由於冇其他客...好快就可以落Order....

Set dinner...應該大概可以睇到價錢吧?!

等上菜期間...周圍亂拍...

室外...露天的!

環境氛暗...影相又唔想用閃光就要靠佢喇

唔夠光就係咁...濛了

他的頭盤 : 鮮三文魚帶子薄片拼檸檬油(本身個名好長...不過我唔記得了XD)

三文魚同檸檬油混埋一齊好夾...好清新!

不過好似唔係好覺有帶子

我的頭盤 : 法式酥皮焗田螺
我覺得我呢個好食D...除了因為係熱食...個酥皮都好脆...

牛尾湯

仲有個飽冇影...因為太好味! 係外脆內軟的...

食食下負責人話送2杯白酒同紅酒比我地...
但因為有人要揸車...所以我只要一杯白酒好了!
不過我係唔識飲酒架!
我飲好少已經會頭痛同眼訓...
不過特別日子就一次啦!

佢只係淺嚐做個樣比我影下架咋...
唔好誤會呀!!阿SIR唔好拉佢呀XDD



他的主菜 : 唔知咩和牛面(又係好長的名字....)試了少少...um...冇咩特別!
而家睇落好少...我地仲講笑話一陣去食M記...
點知原來食埋甜品都好飽架!

我的主菜 :羊扒
呢個好好味...一D都唔蘇...仲好Juicy...
而且份量好多...有成5-6件!
我係完全食唔晒...分晒比人!

仲有3款精緻甜品...
左 : 朱古力mousse...好味!

中 : 焦糖燉蛋...剛剛整好...仲熱的...
個焦糖超好味...而且個蛋都好滑

右 : 藍莓cheese cake...我唔好藍莓...
而且好飽, 食了一啖就比左愛藍莓的男友...都ok!

最後再飲埋杯熱朱古力就為呢餐劃上圓滿的句號了....

......其實仲未完架!!!!

好戲在後頭....雖然天氣凍...
一場黎到點都要影埋佢個靚景先走啦!!

小兒科千秋椅...仲影到好黑......

向門口進發!!!!

有個台仔...其實呢度可以搞活動同宴客架...

個台底係透明...下面有花之類的東西...

點呀? 係唔係好靚呢?

我一去到都呆了.....歐陸式的庭園，十九世紀宏偉的教堂建築物

好宏偉啊!!!!

仲有架南瓜車...當時我凍到呢....

幾間不同主題的vip房...

呢間就係我地包左o個間喇

係咪真係好似一個隱藏於森林的古堡呢?!

今餐整體好滿意, 雖然上菜比較慢...食左2小時多...

但係有原因架...因為人少少大廚會更用心去雕琢每一道菜式...
就好似一件件藝術品咁...
而且我覺得香港人太急促了....
比個機會自己relax下...享受一下吧!

最關心的價錢來了...2位連加一共$570...
唔算大眾化...不過我覺得環境同食物質素都很好...
特別日子/節目可以對自己好一點呢~
最緊要記得帶相機啦

一間餐廳有冇心做生意係睇得出架...
多多支持下呢d咁有heart的餐廳啦...
(我只係純分享, 冇$收的<<<我都想有哦XD)

如果大家有興趣可以去佢個主頁睇睇架...
星期六日仲有半自助餐...頭盤沙律同甜品都係自助任食架...都係$138/人...
我諗我下次會試下個半自助餐~

新天鵝堡
http://www.banquet.hk/home.html

後記

其實我飲左少少白酒已經開始出現頭痛同眼訓...好渣啊!!!
所以回到家即訓...
到了12點左右就被男友叫醒...

做咩呢 ?

就係唱生日歌許願食蛋糕了....

再同大家介紹一下呢間餅店

占美餅店 Jimi Patisserie

http://www.openrice.com/restaurant/sr2.htm?shopid=48506

地址 :元朗豐年路7-11號豐年樓F座地下B舖

電話 : 5162 4584

估唔到元朗都有一間咁有靚的餅店...

佢D CAKE一D都唔差...

有D款都幾特別..唔係普通餅店有的...

好似都係$1X/件...

大家有機會可以試下!

後後記

哈!仲要幾多後記先夠呀?!

睇完大家係咪覺得我男友好浪漫呢?
其實全部都係我自己安排的

安排意思係我決定邊度食邊度買CAKE(佢點會知有呢D地方!)
因為佢係一個老實人黎架...浪漫呢2個字佢字典冇架!

不過唔緊要...佢唔浪漫咪我去製造囉...
都要有人配合先得架嘛!
而今次男友都配合得好好啊...我都好開心!
總之, 謝謝你 : )
又大一歲又要你照顧喇