I... I... I ♥ Korea Kimchi [附簡易泡菜食譜]...*

超喜歡吃餐前小吃...
無論日本的味附小食/ 韓國的前菜/ 甚至中式菜的花生喬頭我通通都喜歡...
今次我要挑戰的是韓國泡菜!!!!

韓國泡菜係健康的食物......

韓式泡菜含有豐富的維生素A/C等,鈣,磷,鐵等無機質成份 ,

是調解體重的低卡路里食品 ,有抗癌和抵制老化的效果 ,

韓式泡菜發酵過程產生大量乳酸菌可使腸清潔 ,

預妨便祕和大腸癌 ,亦對降低血液裏的膽固醇數值,

預妨各種成人病且對成人病有良好的治療效果!

另外, 泡菜含有乳酸菌，有益人體健康~~~

雖然出面可以買到, 不過我覺得好貴呀!
幾廿蚊先得少少...都唔夠我食...
而且好多地方的泡菜質數都好參差...唔係次次都好味!
所以決定試下自己整...份量自己調較仲健康D...

我都係睇呢道度D SIS出POST先知泡菜點整...
SEARCH 泡菜都已經搵到幾個SIS出過食譜架喇~
唔夠的話...上埋YAHOO/GOOGLE搵下啦...
今次最主要係跟為食貓(http://www.leisure-cat.com/frm_1386.htm)
同小小米桶(http://www.wretch.cc/blog/mitong/2456924)再加SIS的方法去整...

材料如下 :

1. 韓國辣椒醬 購自CITYSUPER $39.9
[註:領隊朋友同我講正宗的其實唔駛用韓國辣椒醬, 不過呢個方法方便D, O岩晒我]

2. 韓國魚露 購自CITYSUPER 約$21
[註:比泰國用的魚露淡, 用黎整泡菜剛剛好]

3. 蒜蓉 百佳 約$11
[註:想更好味同冇咁多油...其實可以自己整蒜蓉...不過我懶XD]

4. 辣椒粉 購自街市雜貨店 $8
[註:怕辣的其實可以唔加, 因為有韓國辣椒醬已經夠]

5. 屋企用開的麻油
[註:用韓國麻油會仲香...不過我o係CITYSUPER搵唔到!]

6. 主角旺菜一大棵 $12
[註: 可以用娃娃菜/紹菜, 但旺菜會較好吃]

Step by Step :

1. 先把旺菜用十字分4份洗淨, 因為第一次整先試用一半黎整...

2. 用鹽出水...表面同裡面洒滿就可以了...

3. 放置40分鐘至1小時...期間最好陏下佢...防止有位置出唔到水...
[註: 可加少少開水令出水時間更快]

4. 1小時後已經縮細左好多喇~

5. 用水沖走鹽份至少2次, 因為可能會太鹹, 而我今次沖左4次, 最後一次用食水沖...
[註: 可先撕一小塊菜葉試味, 太鹹的話請再沖水]

6. 按份量攪拌材料, 份量如下:
   韓國辣椒醬 1匙
   韓國魚露 3匙
   蒜蓉 2-3匙
   辣椒粉 1匙
   麻油 3匙

[攪拌完試味, 唔夠再加, 我喜歡吃辣所以另外加了少少泰國辣椒粉]

7. 帶好手套慢慢將個醬同d旺菜拌勻, 其實已經好好食, 雪凍效果更好

8. 入樽, 完成
[註: 冇防腐劑最好一星期內食完啦!!!]

翌日我第1個比阿婆試, 佢本身唔好食泡菜,
所以評價是麻麻&好辣, 不過好食過出面o個d...

第2個比家姐試, 佢又係唔鍾意食泡菜, 不過見我自己整就試少少,
我真係比左好少佢, 旨在試味, 點知佢打番電話比我話好食喎!
仲話冇出面o個d咁鹹, 但一d都唔辣!下次可以再整樽比佢

第3個阿媽試...冇出聲不過密密食
仲叫我整多樽比佢帶比d朋友食...

真係好滿足! 
我自己都覺得好味, 當時不能同出面相比, 不過第一次算係咁~

上圖是3日後...仲入味d好好味啊!

配埋韓國烏東...

整質QQ的...幾好味!
不過湯底就唔太辣, 普通!

仲有韓國辣泡菜年糕...購自CITYSUPER 約$20/2個

放微波爐叮3分鐘食得...
除左少得滯之外, 整體都好好味!
配料可以少D, 年糕多番D就好喇!

一餐住家FEEL的韓國菜就完成了~下次想挑戰整韓式蘿白!

就這樣, 歡迎大家比D意見啊