尋找 ● 紅葉記...*

前排TVB播的『紅葉霆鋒』真係好好睇!!

晚晚我同媽咪都排排坐睇架

仲成會因應該集內容, 事先同阿媽講今晚帶你去XX做D咩(範例：青森摘蘋果XD)

一直都唔知香港有紅葉...
係前排睇forum見到人地話去大。棠。影。紅。葉...
又...見到水魚 同 Babyalpha都去左...
佢地D相太靚...決定要親身去一次

其實唔一定要去大棠影架...因為都要行約個半鍾先到...由停車場開始計!

可以參考下資料(http://www.utravel.com.hk/DetailKnowledge.php?id=ADsRZBEr)

香港的紅葉一般在 11 月中旬至 12 月開始變色，
地點包括荃灣城門水塘、元朗大棠郊野公園、大埔滘郊野公園、馬鞍山郊野公園山頂及紫羅蘭山，
在 11 月過後亦可以見到點點紅。除了楓香外，樹葉會變成紅色的樹木還包括有野漆樹、槭樹、山烏桕等。

若市民希望賞紅葉，但又嫌郊野地區遙遠，在香港公園和動植物公園亦可看到紅葉蹤影。
最早變色的，要算是在中央圖書館外的欖仁樹。

但如果你話最有feel...最靚我就覺得大棠算係數一數二...
雖然我未去過其他地方睇...

本身想 9/1 去...但當日只有10度...山上應該更冷, 最後決定取消...
又打算16/1 去, 但遲起身, 又取消...
最後, 決定好23/1 一定要去...唔去就冇得睇架喇...

怎料男友大人要返工...超失望啊!
好在搵到阿媽同家姐陪...

當日11:30am開始行...
行到3:30pm左右走人...

沿路上都有幾多呢D蝴蝶垂死在路上...唔知點解?!

睇電視教呢D松果可以用黎做炭精, 又環保又好用架!

執左好多好多...比較靚o個d我用來做裝飾

執完松果又再行...終於發現第一塊紅葉...好興奮!
(手上的是落葉啊...我冇摘架~)

愈來愈多紅葉喇...
終於到左最多紅葉又最靚o既一part...

可惜好多都已經落葉了...
我諗早少少黎一定超靚啊~~~~

幸好仲有一兩棵可以影下相...

雖然已經落得7788...不過都好靚好靚好靚好靚好靚...

又開始忍唔住要玩喇...

先玩執紅葉...

連佢都黎玩埋一份

砌圖形...又吸引左幾位行山人仕一齊影喇

再黎連拍踢! 踢! 踢!

當時好多人望住我...咀角仲笑咪咪的

玩完動態的...又再影下紅葉先...

好似聖誕花啊~~~~

另一種美...

其實我有帶woody去的...不過只顧自己拍...
最後得一張同紅葉合照咋

自拍...
睇完紅葉再向前走...

到達水塘...水流好急啊!!

好愛這一張!

其間我太累...要休息一下(後生打"壞"正是本人XD)
自己坐埋一邊等佢地回程...
無聊又周圍拍拍...

我叫他們做貓貓草...因為貓最喜歡玩!

唔知咩花...不過好靚!

回程喇...尋找紅葉大成功!!
多謝阿媽同家姐相伴先可以影到咁多相

不過下次要早D上去...一定!!