新年買新衫(一) 每年必去香工小敗...*

香工 = 香港工業中心, 位於青山道 489 - 491號 (地鐵站 荔枝角 B2 出口)

每年新年前我都會去一轉...

因為好多鋪頭都會做特批, 細心D行會淘到不少寶的

其實平時星期六,日都會有某 D 鋪頭都會做特批...

大部分都收7:00P.M....得閒可以去行下...

不過呢段時間真係超爆多人

大家要小心自己財物...我試過被人偷電話架喇

唔講咁多...分享下今次戰利品先!!!!!!!

今次冇咩時間行...行左1個鐘左右咋

$25的連身裙...夏天先可以著!

瀨屎牛仔褲 $35...原價係$100...
都係夏天先著!!

呢個款我睇中左好耐@淘寶...
不過一直都冇入手...
而家呢個係羊仔皮, 好軟身架...可放A4...
都係$150咋...抵過TB買囉!

短軍靴...
本身冇諗住買...不過$60仲要真皮...
阿媽又話好睇好抵...最後都買埋!

目標之一的毛毛鞋...大特價$100咋...
呢個款挺身D...個鞋形會KEEP得耐D...
唔會著著下"PAIR"埋一邊~
D毛毛好多架...著上去軟林林...好舒服~
仲有黑色短款...$80咋! 
好想買埋...不過呢D鞋太佔空間...所以放棄了!

呢個好抵...$5咋!

加左上D衫度即刻唔同晒...

點解有2個o既?!

因為.......我又黎送禮了!

我真係好喜歡送禮物比人架...好鍾意見到對方收到好開心個樣

雖然我送o既都唔係D咩名貴禮物...不過都係小小心意啦~

想要就留言同我講...推唔推隨得大家...

名額只有1個...多個一個會抽籤!

截止日期 : 8/2 10:00pm

預告: 下篇係cotton on 7折敗文...仲有小送禮...係大家都好尊敬的女王大人東東, 敬請期待