團購回來好好用的蒟蒻潔膚棉...*

今日突然好想好想好想出文...

又唔想執太多相喎!!!

所以就快打一篇比較短的分享

最近我在網上團購了很多東西...
除了蒟蒻潔膚棉仲有腰封, 仲有仲有兩用直髮夾/粟米夾...
真係足不出門都可以敗家

最近收到蒟蒻潔膚棉喇...唔該晒Nancy Ho
可以睇下Nancy介紹蒟蒻潔膚棉, 會比較詳細哦!
http://www.theztyle.com/blog/space.php?uid=39087&do=blog&id=82037

用左幾次!!

真係一試愛上!!
其實我很早已經見到有得買....不過真係好貴!!
我見到的一塊要$4x...又唔知好唔好用...
都唔敢買黎試...

直至見到Nancy介紹同開團...
都只係$16/個...一訂就訂了4個!!!
打算送給朋友試試...

一打開好似蝦片啊...(心裡只想食XD)

浸下佢...浸一陣就會慢慢變軟了...
呢個時候我想起豬皮/魚肚XDDD

變晒透明已經可以用黎洗面架喇...

<<<<用後感>>>>
好舒服...就好似用緊塊豬皮洗面咁
而且鼻翼位都洗得好乾淨...
洗完塊面好滑好乾淨, 有去角質功效...
而且仲唔乾添...一試愛上!!!
佢唔會好似平時D洗面棉咁濕左都有D鞋...
係真係好柔軟...真係比洗面巾仲soft....
個人覺得日日用都唔會傷皮膚!

唔知一個可以用幾耐呢 ?
我係咪需要再買多幾個呢 

如果大家有興趣可以問問 Nancy Ho...
佢好似仲有好多存貨!

另外, 有sis講龍城都有一款星形的蒟蒻潔膚棉...
都只係$12...不過常斷貨~
我之前都見過...係濕o既...不過冇買來試嚕!

有興趣去碰碰運氣吧!!!