自從轉了新底妝後...
就算秋天悄悄來了, 每日濕度只維持6X%, 全身上下都乾巴巴的...
還有病了整整一星期, 是微燒、感冒和腸胃炎=口="
不過, 底妝仍然可以自豪地說：「大丈夫」!
(P.S. : 大丈夫= だいじょうぶ =不要緊、沒關係)
最近都是用Sofina家的Primavista系列, 包括 :
[1] 修護保濕精華底霜 Moisture Coat Base
[2] 柔亮持久粉餅 Powder Foundation UV (Long Keep)
修護保濕精華底霜 Moisture Coat Base / 25g / SPF 15 PA++
即時滋潤肌膚, 使粗糙肌膚變得水潤平滑
＊ 無香料 ＊
含抗老化保濕精華成分：馬栗樹精華、生薑精華、AL Proline、日本羅漢柏精華、洋甘菊精華
每次只需用8mm(圖示)直徑份量便足夠
但其實我覺得好難吱到8mm, 因為佢係一條咁出...大約咁上下啦XD
質地好滑易推, 有平滑滋潤肌膚功效, 唔黏笠 !
有少少調色功能, 不過對於滿面瑕疵的我, 效果並不明顯...(算吧!)
重點是肌膚變平滑, 令後繼的妝物更貼服
一個貼薄底妝這BASE功不可沒
加上含有保濕精華, 能對抗秋冬乾燥天氣不上粉問題
柔亮持久粉餅 Powder Foundation UV (Long Keep) SPF 25 PA++ (7色)
呢個粉盒係限定架 !
第一眼係幾靚...仲有d似馬賽克喎:p
不過睇睇下就覺得冇之前出o個d限定粉盒咁靚嚕~
只能說 Not my cup of Tea (汗)
而且仲好重下, 帶出街補妝都唔太方便
呢個粉餅主打加入優化的全天侯貼服粉體, 無論睡眠不足又好, 生理期都好...
365日都可以輕鬆上妝, 底妝柔滑貼服 !
我揀左比較自然的05色
補充裝都有卜送又幾好喎, 個卜唔差架, 好SOFT的~
另一賣點就係蘊含亮顏粉體配方, 可令面部膚色不均/凹凸地方變得不明顯
還有高度保濕防皮脂功效, 持續10小時不脫妝, 不變色
＊ 同樣也是無香料 ＊
我自己習慣用掃上的, 因為比用卜更薄更均勻, 不過如果想高D遮瑕度建議用卜上,
但會粉感會重一點, 就視乎大家需要啦!
其實我都試過只用BASE + 粉餅(用卜上), 的確可遮到8成痘印同膚色不均問題
但我不是正常人嘛XD 點都要用遮瑕先得架!!!!!!
所以我的底妝3寶就是它們了~~~~
HANSKIN遮瑕有幾好用不再介紹, 之前介紹過好多次喇 !
沒圖沒真相...看到吧 ?
我連額頭o個2撻淺印都懶得用遮瑕,
但你可以睇到用掃上埋粉餅之後係幾乎見唔到架~粉餅遮瑕是不錯的!!
最正係永遠泛紅的鼻翼位都修飾得好好啊~
偽素顏完成!!!!
有光澤又唔粉樣, 趕時間的話咁出街其實都可以了~
上星期六, 身負小病的我跟Win Win同杏仁北上吃盛八...約了好久! 唔去唔得!
期間我完全沒有理過個妝, 連用紙巾印都冇
回到家已經是12小時後...有油光是肯定的了, 不過根據過往經驗這只是小兒科吧XD
之後用紙巾印一印, 遮瑕是稍微有點掉了, 不過都是人樣來的啊~哈哈!!!!!
立即WHATSAPP她們說 : SOFINA底妝真的好持久喎 : )
這個秋冬就靠你們了...啜!
然後我還用這個底妝組合化了一個秋冬妝啊~ 期待下下篇吧!!
因為下篇我要先出Obagi一個月後感, 所以要等下下篇XDDDD
就這樣吧
沒有留言:
張貼留言