Vaseline®凡士林細細個已經見貓媽買黎用,
到左今時今日浴室都長期有一支蘆薈保濕潤膚露(見圖),
我唔知邊個買架, 不過照用啦:P
呢支夏天用我覺得剛剛好, 清爽得黎又有少少滋潤度, 但冬天就唔夠力喇 !
前排收到下圖的Vaseline®凡士林, 分別係 蘆薈潤澤身體潤膚凝露 及 專業低敏修護潤膚露
邊支清爽, 邊支極潤大家應該估得到吧 ?
先介紹 蘆薈潤澤身體潤膚凝露 (HK$49.9/200ML)
選用100%天然蘆薈及無酒精成分, 能即時舒緩及保濕肌膚
質地很清爽, 亦很適合曬後使用
沖完涼用黎搽下都幾舒服, 涼浸浸, 不過我就覺得佢太過清爽,
如果有開冷氣好似都係用潤膚露比較滋潤, 所以我會選擇開風扇當晚先用佢,
我對BODY LOTION好講究架其實XD
不過男友比較喜歡用這支, 因為夠清爽嘛~
上圖就係男友小腿的水分測試, 我BEFORE邊有咁低, 超碼多佢一倍啦, 這就是勤力同懶惰的分別囉XDDDDD
如果你真係唔習慣搽野又想開始搽下, 呢支會係唔錯的選擇 !
之後介紹呢支專業低敏修護潤膚露 (敏弱肌適用) (HK$88.9/200ML)
專為皮膚敏感人士而設的一款潤膚露
低敏配方無香料, 濕疹皮膚適用, 在Vaeline各款潤膚露之中, 擁有最強保濕功效,
比一般在美國銷售的處方潤膚露更有效保濕高達60%, 用後形成一層薄薄的保護膜, 24小時持續滋潤肌膚
另外, 仲可以改善因乾燥引起的肌膚痕癢及紅腫, 當然情況嚴重就最好睇醫生啦 !
我收到 2 支專業低敏修護潤膚露, 因為就到期, 立即share一支比貓媽用
而亦都因為咁, 我一開始用都幾多, 點知出事喇 !!!!!
質地其實都幾厚身, 而家呢個天氣我覺得偏潤, 冬天用就OK!
我頭一次用完全老實不客氣的狂塗, 之後就開冷氣訓覺…
點知成晚都覺得對腳好笠痴痴, 特別雙腳交纏的時候(爆)
最後朝早仲忍唔住6點幾起身走去洗左對腳先再訓 =口="
係! 我完全低估左它的滋潤程度, 多出60%真係唔係流架XD
之後我嘗試減少份量, 情況有改善, 不過硬係唔太LIKE佢層保護膜囉 !
不過同拍檔(大家知邊個啦XD)講起, 佢話好好用, 仲可以補搽,
原來呢條友唔知咩事小腿竟然可以乾到甩皮, 難怪佢覺得好用啦 !
又再一次証明, 勤力同懶惰的分別XDDDD
如果你係乾到無朋友仲甩皮, 就可以試下用佢, 真係極潤~
男友小腿測試又來了XD
我而家只會用來搽身上最乾的地方(唔係荷包XD)就係腳爭位置,
因為成日踢拖搞到又乾又甩皮, 用佢厚厚塗一層之後著對毛巾襪訓 (註:要開冷氣)
第2朝對腳真係滑一滑架 ! 不妨參考一下呢個做法:D
一支就清爽到爆, 一支就滋潤到爆, 按閣下需要去選擇吧~!
銷售點 : 萬寧、屈臣史及各大藥房
顧客服務熱線 : 2892-3110
就這樣
沒有留言:
張貼留言