咖啡弄這間過江龍已經開業好一段時間，但因為實在太長人龍遲遲未有機會嘗試
前排終於有機會跟好友去試下喇！
只有我未試過，所以內心都幾期待的
我們去的是尖沙咀店，因為是樓上鋪，人龍安排於地下，當天到達目測也有十幾人等待中......
好似報紙的餐牌，其實款式不多，我想吃多幾次就已經沒新鮮感了吧？
這是友人最愛冰鮮果茶 (HKD58)
雖然不算便宜但都幾大壺架！
我沒試過冰的，但間中友人都會說：「好想念咖啡弄的冰鮮果茶。」
而我就試熱鮮果茶 (HKD58)
感覺比冰的更大壺更划算！
我一向飲凍檸茶也小冰小甜的就覺得這太甜的，絕對需要加同等份量的水溝淡一下，那就更抵飲啦XDDD
個茶底幾似超市可買到的玻璃樽濃縮橙汁，如果下次再有機會就不會點這個了！
另一友人點的熱可可亞 (HKD40)
配棉花糖成杯即時升 level XD 唔知味道如何呢？
這又是友人極力推薦的總匯三文治 (HKD60)
的確幾好味喎！喜歡三文治的醬汁，一致認為好熟悉的味道但 up 唔出邊度食過XD
配料都好好吃~~~~一碟三件三人分享剛剛好！
本身我們想點咖哩牛腩飯，好像是店內唯一的飯類
但咖哩牛腩售罄就點了 BBQ 豬扒三文治 (HKD60)
整體不過不失，豬扒略為有點乾，個人覺得總匯三文治比較好吃
好似有一個不成文規例每個第一次到咖啡弄必點的草莓冰淇淋鬆餅 (HKD58)
草莓冰淇淋都好好吃，但鬆餅太實淨，不夠鬆軟
一件鬆餅都夠飽，所以3-4位朋友 Share 就最好了！
其實一餐都不便宜啊！
其實值唔值得排隊食？我覺得未試過都可以試
但如果再食又要排長龍就免了！
咖啡弄
地址：尖沙咀漢口道 38 - 40 號
就這樣
沒有留言:
張貼留言