▐ Love▐ 七周年快樂 ❤ 2 5 5 7 日...*

突然諗唔番 7 週年點過，都係搵番 D 相先醒起，都係個句：真係要打文記住！

7 年之痕我就冇痕喇！唔知佢啦XD

一齊走過 7年 = 2557 日

一早講好今年我唔 plan 週年，要佢去 plan，如果唔 plan 我地就去唱 K 

恨左好耐去唱 K，但因為男友唔唱的，所以 7 年都冇一齊去過

睇上圖都知最後都真係冇 plan，所以黎 Neway 唱好 K 啦喂

因為有人唔唱所以我地揀 K Buffet 冇野做都可以不停食食食

其實而家唱 K Buffet 都幾貴，2 個埋單都 6 百幾定 7 百幾 (已經忘記了...)

如果有人 book 到 buffet 都唔洗咁貴 =,.=

不過都阻止唔到我的興奮XDDDD

10月係大閘蟹的季節，早唔知幾多日訂房每人送 2 隻

因為當時戒口中所以比晒男友食，佢第一次食大閘蟹，津津有味的樣子

我以為到左佢會唱一首半首，點知真係好堅持成晚一粒音都冇唱過XD

我就唱足 3 粒鐘，爽到爆！！

Buffet 唔多野食，但有得打邊爐滾左就拎入房食都幾搞笑

唱 K 唔記得咩原因唔係正日，咁正日又有藉口食好西喇！

近近地去左新麻蒲韓燒

點左個套餐好似 5 百幾

呢個火灸霜降牛肉壽司即場燒到半生熟，好好食

套餐本身包芝士邊，我改左要泡菜蛋，未食過炑八粟米芝士邊前我覺得泡菜蛋好好食架！

韓燒真心忙，又要食又要驚 d 野燶，男友不能一心二用，好多都XDDD

前菜可以不停 Refill，正

最後食埋棉花糖韓冰，又係即場燒棉花糖，甜品反而仲好味，大滿足

七周年快樂啊！

就這樣