之前用過一整套 der formula 護膚品覺得很好用，產品配方溫和，就算有暗瘡都可安心使用
今次我們來點刺激的 (其實也很溫和啦~)，襯新年前幫塊面大掃除，用 G10 Treatment Lotion (G10 再生煥白浮液) 更生一下肌膚！
主要功效：
- 去除老化角質，重現肌膚光滑柔軟
- 改善偏黃暗啞，回復年輕白滑
- 刺激膠原蛋白增生，改善皮膚彈性
主要成份：甘醇酸 (AHA)、 膽固醇、矽靈、棕櫚油鹽、礦脂
見到成分都知 G10 主要係用果酸幫手去更新皮膚，因為屬於酸性所以要用在 Toner 之後，精華面霜之前，我一開始見佢寫 Lotion 以為可以當面霜用，因而用錯左成個星期(汗)
指示就話早晚都用，大家記得果酸保養品早上都應跟防曬產品搭配使用
雖然我有習慣日日搽防曬，但其實成日都會懷疑防曬效果究竟足唔足
而 G10 一開始用上面某 D 位係會有吉吉地的感覺，放心係正常的，親身驗証個多星期之後呢個感覺就會慢慢消失，一開始唔知嘛...都有少少擔心會唔會太刺激呢？
早晚用左一星期左右，開始爆粒粒，有 D 瘡位仲乾到有少少甩皮，又開始勁凍喎...
我就問左 der formula 意見，最後建議我只係晚上用就可以
就係呢個時候我先發現次序上用錯左lol 但一樣 feel 到吉吉地同爆暗瘡
冇味，質地有少少黏，需要少少時間推開同吸收
一開始我錯當面霜用就習慣用 2 泵搽埋頸，之後用番岩就用 1 泵都夠
G10 唔需要全面都用，可以局部使用，例如：角質太厚 / 膚色不均 / 暗啞 / 暗粒 / 粉刺等，就連身體上比較多死皮的地方都可以用，例如：腳爭、手爭等等
有暗瘡傷口的地方我就會用 3M 貼住唔好掂到任何 Skin Care
佢本身用完唔會乾，但之後的反應有可能會乾到甩皮，所以之後的保濕要做足少少
之前我個下巴表面上冇問題，但其實暗藏好多暗粒粉刺，摸落凹凸不平，連去做 facial 都被人話下巴好多暗粒，大部分都半生不熟咁，又唔想隔硬去清，就一直潛伏在下巴中...有時食錯野 / 夜訓就間中爆一粒...好煩惱！
用左 G10 之後，下巴由左至右 Keep 住爆完一粒又粒 (上圖可見左邊下巴已經爆完平滑左唔少)，完全幫我將 D 暗粒爆晒出黎，連平時好少生暗瘡的太陽穴都有，不過我發現用緊 G10 時 D 暗瘡印都唔算好深，會比之前退得快，雖然過程真係好樣衰下，但都要忍，捱過就好！
除左爆暗瘡之後，仲有 D 暗粒、粉刺同黑頭都少左
用 G10 呢 2 星期我都冇另外做 DEEP CLEAN，鼻上的黑頭都比平時少左好多
新印淡得比較快，膚色都冇之前咁黃同暗啞，皮膚質感的確有滑左
據我經驗觀察，下巴等埋呢 3 粒甩焦就應該爆得 7788 (希望係...)，
而兩邊太陽穴應該仲要 D 時間，希望新年前可以搞掂啦！
Facebook：www.facebook.com/derformula
* 是次產品由品牌提供
就這樣
沒有留言:
張貼留言