// 囍 // 懶人入！婚紗晚裝＋男禮＋絲花球 ❤ 一間搞掂...*

我係一個好怕麻煩但又想追求完美主義o既人，搞結婚已經好多野忙好多野煩
最近終於比我搵到一個地方可以一次過解決晚裝＋男禮＋絲花球喇！

就係上面呢間 Carmine 喇！
雖然對於住大西北黎講新蒲崗好似好遠，但原來樓下巴士站有巴士直達屋企，都算好方便
有興趣去係因為男禮抵之外(感謝 wow 友介紹)，仲有租借婚紗晚裝同賣絲花球，岩晒懶得周圍去o既我

上到去男禮比例比女裝多，而且唔係得幾款幾隻色，目測唔少款都係走韓風

男友好開心去尋寶之際...

我就周圍睇下，呢款格仔好英倫風又吸晴，可惜男友不喜歡
佢要求係深藍同灰色喎！

睇左一輪之後佢已經搵到心水

試上身之後佢更加鐘意，呢個藍好特別，都幾 sharp 呀！
比深藍高調但又唔算好浮誇，就算之後日常外出著都唔會好怪
店員話 D 款轉得都好快，鐘意就要快少少決定要訂，可能下次上黎廠已經唔出呢個款
所以我地都即時訂左，西裝褸+馬甲+西褲都只係 $980，我地都覺得好抵

仲可以襯埋配飾，煲呔都幾廿萬個款

店員揀左幾個比我地襯

又自己揀幾個去拚

最後都係覺得店員眼光最好，襯棗紅色煲呔好好睇呀！

男友 Big Day 決定換 2 套，所以又開始係咁試
呢套都幾特別，暗花波點仲有 D 閃閃地，但由於都係藍色就唔考慮

之後又試下條紋

又試下細格仔，見佢心大心細好苦惱
我地就決定遲少少先再黎睇過，可能到時又有新款呢

終於到我望下晚裝喇！因為我只爭一條晚裝，所以就只係試左晚裝

未上去之前o係 fp 已經睇中呢條，係大熱的 pantone 色，如果我上身可以再瘦 d 就好好睇喇！

呢件唔係純白色，好淺的米黃色，都有人當婚紗著
我又係心大心細，店員同我講遲少少會搬大鋪，衫款會更多，可以到時先一次過再上黎睇
期待之後會番更多女裝啦！

把握時間又去睇埋絲花球
價錢請睇上圖

見到呢幅花球牆真係呆左，個個都好靚呀！
每一個都係佢地自己紮，絕對唔係 TB 貨

我就揀左幾款比大家睇又比自己之後參考下

拖尾款近年好流行，加錢就可以加拖尾

好多款都好靚，睇到我地眼花花，最後都未有定案
反正唔急都決定下次先一次過落訂都未遲

除左絲花球，仲有襟花，都係佢地自家設計
更多資料同相大家自己去 FP 睇，希望今次分享可以幫到大家:)


Carmine Wedding Dress ：https://www.facebook.com/carmine.dress/
Palmarosa Garden Party：https://www.facebook.com/palmarosagarden/






就這樣