睇到呢張好想唱句：Come and take my hand now ♫
第二次 3V PW 開始！
第一次影完放低晒 d 道具係 3V，所以今次好輕鬆只係拖一個喼就 OK
上到去原來裝修緊外景位置，之前係殘到不行的
仲有薄荷綠餓o靚之 van 呀！好靚好鐘意，但都冇我份XD
因為隔左 2 個月又要整多次甲同染髮，今次粉紅配 lace 貼，都係清清地為主
染髮好放心交比髮型師決定，佢話叫影相色
當日至少 3 位化妝師讚髮色好看
今次化妝師是若微，攝影師是強子
第一站出發去安蒂拉城堡，化好妝捲好髮就出發了
唔 set 頭住因為車程長可以唔洗就住訓，好貼心
安蒂拉城堡都幾遠，訓左幾轉先到，補眠一流
(網上圖片)
安蒂拉城堡故名思義就係城堡景，要比入場費
入面好大，進場之後要再坐哥爾夫球車入去，環境好靚，當時天氣都唔錯，心情都變得好好
3V有專屬化妝間，都幾大，可同時容納幾對新人，入面有獨立廁所
現場實景同相出入唔大，好多地方都好宏偉，真係嘆為觀止
快手SET埋個頭就開始影！
當日都有好幾對新人同時影，必影點會有工作人員在旁計時，每對新人只可以影約 5 分鐘
都等左一段時間，當時仲有陽光都好熱
影完外景就入左教堂影內景，冇出面咁熱但都狂冒汗，辛苦晒若微同助手不停幫我印汗同撥涼，大家記得帶風扇仔，真係好有用！
影完城堡同教堂之後就換衫轉場，呢套無論妝髮同裙我都超鐘意
化妝期間強子同助手先出去點外賣，影完大家先食
估唔到個飯一 D 都唔頹，仲好好食又平，我食晒咁滯XD
城堡隔離就係小鎮大街，我一開始係睇到上圖先決定影呢個地方，好似迪士尼大街好夢幻呀！當然我都有要求強子影呢個 POSE 自 HIGH 一下XDDDD
呢度每幾步就一個景，好多野可以影呀！
因為比較輕鬆 FU，男友都脫左外套只穿馬甲，感覺好好多
所以點解我一開始試衫咁堅持一定要有馬甲
呢個景我勁鐘意！真係好似迪士尼
下面抱起個張仲整左油畫
之後我地再行出少少就到左花海，期間仲見到一條 bb 蛇好快閃走左 (驚)
本身我對花海冇咩特別感覺，現場都唔係話十分靚，有就影咁
但出黎 d 相又好靚喎！明明個天好陰都可以後製到好好天XD
好可惜影左好短時間就冇得再影
因為當天天氣開始突變，我地坐千秋椅影相期間，強子見到我地後面山頭場雨好快衝埋黎
佢第一時間叫助手跑到我地身邊用反光板遮住我 (佢係大叫；快點去遮美女XDDDD)
個下真係好窩心
好在附近有個涼亭，成 TEAM 人入左去避雨，場雨超級大，有頂都撇雨得好勁
佢地就好好保護我行番去化妝間，最後我同男友只係濕左下半身，若微、強子師同助手由頭濕到落腳要換衫，若微連電話都入左水用唔到
如果唔係因為落雨應該仲可以影埋近門口的全白色教堂，好可惜！
但落雨前影左唔少靚相都已經好好
番左化妝間之後，若微都怕我凍會冷親都幫我換下一套衫，好在下一套係短裙方便走動
換完就開始食飯等雨停，食完轉妝換髮型就出發去下一個景點 --- 小北海道
車程都有半小時，到左之後去化妝間，入面坐滿幾 Team 人同樣因為下雨影唔到
大家都呆等，等左一段時間之後強子話要改期了，就坐車番 3V，好失察唔記得帶衫黎換，我條打底濕左，成程車就濕住番去，車程好長又攰大家都訓到唔知時候
知道又要改期，走前好醒目番酒店 BOOK 多晚，再去金光華怒食一餐洩忿XD
P.S, : 如果大家睇完就已經想 Join 3V 不妨留言 / 專頁 inbox / pm 問我拎定資料搵我做介紹人，爬文睇到之前就雙方都有本 7" 相簿，但而家係咩優惠我已經唔太清楚喇！到時大家可能要問下，真心想 join 就記得拎定介紹人資料實有 jetso！
就這樣
沒有留言:
張貼留言