我想大家都感受到最近天氣變幻莫測，有時熱到夏天咁，有時又冇啦啦轉冷，
衣柜就換極都唔到換季 (煩)
好在本身唔係敏感皮膚，但天氣極速轉變之下皮膚再好，都可能會隨時敏感架嘛！
而來自韓國的 Acwell 主打抗敏，最新研發出深層極緻保濕舒緩系列，用左一排同大家介紹下先！
Acwell 產品堅守三大原則：無油、無添加、無色素，孕婦都適用
NO5.5 甘草深層極緻保濕舒緩卸妝水 (pH5.5) HK$99 /150ml
呢支卸妝水 我之前已經介紹過了！
❤ pH5.5 弱酸性卸妝水，性質溫和，專為敏感肌而設
❤ 去除臉上的彩妝及油脂污垢
❤ 草藥配方為肌膚提供天然屏障同時滋潤肌膚
❤ 為肌膚提供足夠水份，用後清爽不油膩
沒圖沒真相，我有一支仲用緊
因為之前已經介紹過，所以我都唔再詳講，大家有興趣可以睇以下呢篇
NO1 深層極緻保濕舒緩爽膚水 HK$160 / 150ml
❤ 迅速為肌膚補充水分，鎮靜泛紅敏感肌
❤ 能舒緩敏感，具抗菌、消炎、抗氧化等功效
❤ 補水同時鎮靜和強化肌膚抵抗力
❤ 舒緩因缺水而產生的痕癢及泛紅，改善暗啞膚色，亦可促進肌膚代謝
ACWELL 獨特專利植物性韓方成分複合物「PURITOX真」是以《東醫寶鑑》中所記載的升麻葛根湯配方作據，研製出專利植物性韓方成分複合物「PURITOX真」，以天然的升麻、葛根、芍藥及甘草作為主要成份
升麻：具抗菌、抗炎的功效，增強肌膚的抵禦力，減少痕癢、泛紅的情況發生
葛根：調節內在分泌，長期使用有助減淡黃褐斑及暗瘡印的功效
芍藥：改善內在分泌紊亂引起的泛黃、暗瘡問題，同時促進新陳代謝，提高肌膚自身的免疫力，抑制臉上的暗瘡或過敏徵狀，延緩皮膚衰老
甘草：性質溫和，有消炎、鎮靜的功效。能減退臉上的泛紅問題，並具有美白和抗衰老的功效，抑制黑色素產生
我唔清楚品牌無添加的定義是什麼，但成分表最尾是香料，而無添加的意思是不含任何人造香料，只有 Fragrance 一字又好難去界定什麼的，如果對香料非常抗拒 / 敏感的要多加留意，在我角色就只有跟大家分享一下
另外我都幾驚訝酒精係排第二，據我對成分表的認識排名前後是同分量成正比，酒精對皮膚是好是壞一直都存在爭議，我都用有過一些有機天然品牌都是有酒精成分
所以驚訝只是針對排名，同樣如果對酒精非常抗拒 / 敏感的也請多多留意
質地同一般 Toner 沒什麼分別，易吸收幾保濕
每晚洗完面棉合化妝棉全面抹一次，唔好唔記得頸都要抹
抹完塊化妝棉都黃黃灰灰的，真係唔敢再講洗完面就乾淨晒XD
抹完皮膚有變得亮白剔透，暗啞 Bye Bye
保濕都 OK
咁濕敷效果又如何呢？
唔....個人覺得都係直接抹個效果比較驚喜，都係個句濕敷用便宜又大碗的就好了XDDD
其實濕敷個保濕效果都唔差架！
NO2 深層極緻保濕舒緩乳液 HK$170 /130ml
❤ 具防敏舒緩調理作用的乳液，無油不黏膩配方
❤ 補水同時鎮靜肌膚，有效平衡油脂及收細毛孔，強化肌膚抵抗力
❤ 舒緩因缺水而產生的痕癢及泛紅，改善暗啞膚色，亦可促進肌膚代謝
成分除了上面介紹的植物性韓方成分複合物「PURITOX真」外，仲有抗敏保濕的天然成份包括：
積雪草：具有抗敏、保濕、抗炎的功效，讓受損的肌膚細胞達致修復效果，同時可促進膠原蛋白的增生，延緩肌膚老化及提升彈性
海藻糖：能在細胞表層形成一層特殊的保護膜，鎖住肌膚的水分，同時能阻礙黑色素沉澱，有效抵抗皮膚老化的現象，使肌膚透亮光澤
角鯊烷：能促進新陳代謝，幫助修復破損細胞；強化及修護肌膚的表皮層，形成天然保護膜，不會為肌膚造成過敏或刺激
馬齒莧：具消炎、抗敏的功效，對皮膚過敏的瘙癢和疼痛有鎮靜和治療的功效，同時亦能平滑肌膚，減少暗瘡的形成
跟 Toner 有同樣疑問，詳細可以睇番上面
初初見呢個包裝都好驚好難倒出黎用，幸好樽口設計比 Toner 大好多
不過拉環一拉就斷，每次用都要有技巧打開，最後覺得煩我直接棄掉此蓋XD
樽口可以對比下係大好多架！
而且乳液質地好水都唔難倒出黎
用後皮膚好清爽，夏天用就舒服，凍個幾日我會加幾滴油
乳液好快就吸收晒，搽上面幾舒服，特別係潮濕天氣個幾日好岩用
保濕都好滿意
用左半個月，收毛孔效果當然未有咁快，而本身毛孔都唔算大就更難睇到效果
主要覺得用完舒服同埋鎮靜效果都幾好，期間有暗瘡都好快 KO (當然我有另外用暗瘡膏)
平時有暗瘡的位置周邊都會又紅又腫，明明好細粒但勁大撻！最憎！
呢排搞結婚比較大壓力成日都上 TB 搵結婚野搞到夜一夜先訓，皮膚狀態真係麻麻地，都有生幾粒暗瘡同我投訴，但呢半個月就算有暗瘡都唔會紅一大撻，我覺得呢套 Skin Care 絕對有幫助
銷售點： 原裝正貨只於萬寧獨家發售
產品查詢熱線： 2377 9000
Facebook： https://www.facebook.com/Acwell-HK-109484256120540/ (@Acwell HK)
Instagram： https://www.instagram.com/acwell_hk/ (@Acwell_HK)
Weibo： http://www.weibo.com/u/5936372700 (@艾珂薇 ACWELL)
* 產品由品牌提供
就這樣
沒有留言:
張貼留言