早前同 WinWin 孖住去想試好耐的古法身體薰蒸，當日立即 post 上 fp 同 ig 開心 Share
原來唔止我地，身邊有好多朋友仔都表示有興趣 (舉手)
好！就等我詳細同大家介紹一下啦！
美人蒸 뷰티 찜 - 古法薰蒸養生館
地址：荃灣大河道 99 號 99 廣場 1504-05 室
位置鄰近荃新天地，唔算好難搵
店面光猛乾淨整齊，感覺良好
Topic 話係 FTM (全職媽媽) 福音就係呢度特設專人托兒服務
真係好少聽美容院有咁貼心服務架！
佢仲有間房係特別為小朋友而設，整體以藍色為主
每位小朋友入房前都要探熱先入得，所有玩具會定時消毒
地下同每面牆都有防撞軟墊
仲有電視不停播兒童頻道同兩大箱不同種類玩具
知道媽媽有專人都可能唔放心，細心到仲設有 CCTV 可以邊蒸邊用 iPad 睇住小朋友
雖然我仲未有小朋友，但都知道湊小朋友係幾咁攰同困身
全職媽媽真係好需要減壓，要好好對自己，咁周全的托兒服務邊度搵？
* 為確保每個小朋友得到最佳照顧，必須於最少一天前預約
填好個人資料就到選擇困難症發作
分別有 5 種古法薰蒸藥包可以揀，包括：
1. 消脂瘦身：改善腹漲、清除宿便、平衡身體循環系統
2. 排毒美顏：消炎殺菌、活化細胞、令肌膚亮麗潤澤
3. 驅寒祛濕：祛除寒氣、舒筋活胳、促進血液循環
4. 女性修復：滋陰養顏、調節內分泌、防治各種婦科病症
5. 養心安神：消除疲勞、改善睡眠質素、舒緩精神壓力
諗左幾日我最後決定揀排毒美顏
先鎖好個人物品換拖鞋就可以換衫先
呢條毛巾裙設計幾好，,夠厚身、唔曝露、好保守XD
記得要全換除晒換上紙底褲
換完衫如果有化妝最好先卸妝，雖然唔會蒸埋個頭，
但因為會熱會流汗毛孔會擴大，都係建議落妝先！
Skin Care 牌子非常齊備，你講幾個牌子都一定中
連貴仙仙的 SKII 神仙水都有！
仲有適合敏感肌用的牌子
我用左紅水落妝再噴少少保濕噴霧，舒服晒！
之後就入房準備蒸身喇！
佢有 2 人房同 3 人房，可以同閏蜜一齊黎 Relax 下
Q：薰蒸其實有咩功效呢？
A：薰蒸能增加抵抗力、美容養顏、消除疲勞同時改善健康狀態
薰蒸對 [大腸 腎臟 汗腺] 三大功能改善有明顯幫助
針對 [肥胖 水腫 失眠 關節炎 風濕骨痛 女性經痛] 等健康難題
薰蒸原理：
箱內藥盒放入藥包同時吹出高溫蒸氣蒸煮藥包再引導藥氣
而此店每個蒸箱各提供前後 2 部蒸機，令全身均勻接受蒸氣吸引藥力
雙管齊下能加速達到瘦身美肌及保健效果
經過新陳代謝而釋放毒素可透過大量流汗排出體外，而體內多餘脂肪在高溫蒸氣及藥力下
迅速消耗從而達至消脂瘦身效果
入左箱之後就可以拉但件毛巾裙到腰位，下面就拉上到腰位
確位身體大部分位置都可以蒸到
專人服侍入箱之後會鋪好毛巾防止熱氣由頸位大量排出影響功效
仲可以伸對手出黎玩電話，自拍只可以到影個頭XDDD
因為我地傾足 40分鐘所以都冇點玩電話，如果一個人黎想一邊煲劇一邊蒸可以問佢地拎懶人夾架！
因為會大量排汗，每人仲會送一支水比大家適時補充水分，原來飲水都有技巧XD
坐左10分鐘左右就已經開始瘋狂出汗，我覺得舒服過桑拿好多好多
因為桑拿係需要成個人入去，成日覺得抖唔到氣好快就要出番黎
但呢個坐足 40 分鐘都仲得，同埋配合埋自身需要的藥包，功效當然比桑拿多好多
傾下笑下 40 分鐘好快就完了！
之後出大廳坐低休息一下就可以換番衫，我真係出左好多汗呀！
但 D 汗唔臭又唔笠，同做運動出汗完全兩回事
出左咁多汗，我仲全身搽晒 Body Lotion 滋潤下肌膚
呢度細心到連風筒同 Dry Shampoo 都有，我連髮尾都濕左，用埋 Dry Shampoo 就舒服晒喇！
如果你仲係凝住出左汗有汗味，呢度都有提供多款香水
連 Jo Malone 都有 OMG
講下蒸後感先，搞掂晒之後個人好似游完水咁攰，好肚餓好想食野，建議最好隔個半至兩小時先好食野，同埋蒸前都唔可以太餓喎！
當晚好好訓，店員話之後幾日可能排便次數會增加，翌日 WinWin 問起其實唔覺，都同平時一樣，但隔多日又真係排便次多左，不過每次量都唔多，可能我身體係比較遲鈍XDDD
最後講埋大家最關心的價錢
套票可以 2 人共用呢點幾好喎又
除左全身古法薰蒸外仲有中藥蒸腳，最近仲推出埋按摩推油、全身 / 腳部穴位按摩同埋淋巴排毒，服務愈來愈多元化
最後，快閃送出 10 張免費蒸腳卷，名額 5 位每位有 2 張可以比你同朋友仔一齊去體驗下
有興趣就去 Facebook 專頁 Win Win x Cat Hui.com 參加啦！話明快閃 4 月 12 日晚上11 時 59 分就截止架喇！
* 服務由美容院提供
就這樣
沒有留言:
張貼留言