實在太懶 (忙已經唔係藉口lol)...無 deadline 真係會拖得就拖
最後一篇有關影 PW，好過份我地仲未有時間去拎相，超級邪每次想去拎都一定落雨...
男人又成日都好忙...唉！
拎完就出埋揀相 + 成品，咁成個 Pre-wedding 如無意外就可以完晒喇！
我講多次點解要影 3 次先！因為都係天雨關係，每次影完一個景就大雨改期...
最後一次喇！天公終於造美
揀小北海道係因為上面呢張海天一色，超靚好鐘意！
又再次整多次 soak off gel，剩下紫色跟綠色裙未影，唔想重覆之前一樣，又想清清地唔好太搶眼，諗左陣不如整淺黃色法式，都唔錯呀！
HK$168 soak off gel + HK$60 法式 +HK$10 閃粉線 +HK$2 粒石=HK$246
我愈整愈貴，哈哈！
小北海道位於深山，係一個渡假區，由 3V 出發來來回回共 3 小時車程，大家喺車度都訓到傻左，只係兩套衫都影左 7 個鐘！
因為呢個景比較大自然，我自己準備左 D 森系頭飾同襟針
想用滿天星影 PW 好耐，第三次終於搵到附近有花店，仲要係大花種，三束要 50 蚊人仔，但我完全搞唔掂嗰堆如亂草的滿天星非常失落想喊之際，佢唔打機拍心口話幫我整！三兩下手勢就整好一紮，我已經覺得係完美了！真係要叫聲男神！
好幸運第三次化妝師都是若微！超用心幫我用上我準備好的頭飾
到了小北海道的化妝間，若微發現上手留了一小束鮮花，立刻快速更改了少少髮型，一變小鹿就在花叢中，在 3V 是不能指定化妝、攝影師的，我好幸運第二跟第三次都是剛好編到同一個化妝師，她對妝髮很用心，不會因為趕時間就隨隨便便，這個側放的髮型也是我要求的，很喜歡！！
上圖是小北海道近入口位置，已經係一個拍攝好地方
今次攝影師是之前未接觸過的，叫華哥、強哥定剛哥....真係唔記得抱歉
反正都唔可以指定攝影師，安排左邊個都好，比 D 信心就會有靚相
我影左 3 個攝影師，比較難溝通算是第三次，好多時我地 GET 唔到佢想要 D 咩
到我地好似 GET 到又改左下個 POSE XDDD
所以一開始 D 相我會覺得我地未到位，唔太自然
雖然溝通有少少問題，但之後愈影愈好，好多相都捕捉得好自然，特別係短裙個 D
總括黎講 3 個之中第 3位最多靚相同最有心機
影完花草就轉去另一個必影景點 --- 渡假木屋
木屋批相我揀相時影唔到，所以我手上暫時只有呢張咋！大家睇住先
唔好見我地咁自然咬耳仔，其實 D 木好辣手，其實我係佢耳邊講緊好熱呀！得未呀！你好樣衰呀！引緊佢笑架XD
呢個位真心曬同熱，記得帶風扇仔！記得帶風扇仔！記得帶風扇仔！
之後就向下移去到傳說中的海天一色！
其實就係一個無邊際泳池
媽呀！幾經辛苦我終於影到！
原來呢個位係超級難行，首先條邊非常窄，我諗有 10-15cm 闊，但唔係完全平面，有部分係斜向泳池，我又拖住條長裙入晒水有重量，赤腳上去個地又係勁熱，簡直連平衡都有問題
做左好多高難度動作我已經想走XDDD
辛苦晒男友要抱上抱落
我問若微有冇人試過影影下跌落左水，佢話未試過，仲話有人著高爭上去影OMG
我真係好驚我係第一個落水幸運兒LOL
之後差唔多中午要食飯喇！
影完泳池裙尾都濕就換下一套短裙之後先食
呢度無野食買架！我地個飯盒都係一早係 3V 叫助手去買再拎入去
今次食燒味飯，又係勁好食呀！
食完轉妝髮，因為太陽太勁都 HEA 左好耐先再去影
期間攝影機同助手幫手泵我準備好的哈哈笑氣球，其他 TEAM 想泵多幾個去影相，攝影師都唔比，話係客人自己準備，不過我地影完都好多 TEAM 黎借用呀，大受歡迎
道具花時間自備是值得的！
換短裙之後，我以為直接衝去我最期待的沙灘
點知仲要影好多景點XDDD 不過又影得好靚喎！
出發前攝影師要求男友去便利店揀兩支樽靚的飲品當道具
我覺得佢真係好花心機去諗點樣影(讚)
朋友同我講影沙灘一定要帶拖鞋，唔會入鏡帶舊拖就 OK
我好聽話帶左 2 對舊拖，打算影完就唔要，點知拖鞋原來要入鏡？！
攝影師自己準備左塊勁重橙色滑板做道具，佢自費架好有心
因為好重好大塊，揹到助手呢LOL
好在我地對拖鞋都襯到色唔算太樣衰咋...
大家記得準備對靚靚情侶拖，以防突然要入鏡呀！
沙灘我本身想影呢 D
最後變左黃昏景lol 不過都玩得好開心，有水玩就開心架喇！
以為影完沙灘就完，點知仲帶我地去岩石個邊繼續影，呢個時間個天已經黑晒
D 路完全係伸手不見五指，要用電筒先可以行
本身等緊位，點知個 TEAM 人完全無想停的意思，就搵左其他位開始影
打燈再叫助手噴水就影到呢 D 好似銀河背景相，一開始我對夜景同岩石沒什麼興趣
但出到黎效果好好好特別！
影左一陣就真正收工，2 套衫都同我影足一日可以話好抵玩好專業
因為我唔記得帶替換內衣褲同自己衫，我玩完水係濕住UP番去...上到車完全大昏迷 zZzzzz
P.S, : 如果大家睇完想 Join 3V 不妨留言 / 專頁 inbox / pm 問我拎定資料搵我做介紹人，爬文睇到之前就雙方都有本 7" 相簿，但而家係咩優惠我已經唔太清楚喇！到時大家可能要問下，真心想 join 就記得拎定介紹人資料實有 jetso！
就這樣
沒有留言:
張貼留言