點解 D 時間過得咁快？轉眼已經 3 月！
年頭願望係 6 月前打晒結婚日記，我覺得有少少威脅XDDD
真的是最後一篇關於 3V Pre-wedding 喇！！！
如果喺 3V 影多數會喺附近酒店過番晚夜
而我地改期又改期又改期之下，前前後後上左去好多好多次
造就我地周圍搵食，呢篇就主要介紹下 3V 附近的金光華廣場有咩好食
唔想再儲埋一堆銀仔為左買車飛，我地買左八達通搭車用，方便勁多
真係好後悔唔早 D 買
而且仲好多卡通揀，當時呢張 B DUCK 係最抵用
以下係金光華廣場食過的，詳細位置請大家去到睇水牌 / 問職員
因為食店轉換得好快，唔肯定到時仲有冇，大家參考看看就好
1) 千味涮
一間唔係任食的打邊爐，不過配料都唔係好貴，食過幾次都係250人仔之內可以埋單
最鐘意佢個蕃茄湯底
有好多出面都食唔到，不過已經唔係好記得個名，大家自行發掘下
仲有青瓜絲任夾！！！！！！超正！！！次次都食勁多
呢次食左 RMB205
又一次食左 RMB220
2) 小橋妹山城牛肉面
有次影相前一晚唔想食太多，就去左食牛肉面，我就食雞絲涼麵，簡簡單單又一餐
3) 美奈小館
主要食越南料理，清清地都唔錯，影相前一晚可吃
4) 撒椒
呢間係今個新年上去搵食發現新開的，就在探魚隔離，本身上去為左食探魚，但未到 6pm 都已經大排長龍，加上朋友大推之下就試撒椒
撒椒豆花魚：超多魚，都幾多啖啖肉，魚肉都滑嘅！愈食愈麻，係麻而不太辣，好食！豆花據說可無限添加，但魚太多，又單點了一碟寬粉，兩人先勉強食完全部，所以沒追加豆花
撒椒辣子雞：好友強烈推薦！拌碟薯堡好加分，雞都唔少，好大碟！
粉蒸排骨格格：上面係麻辣排骨，下面係蒸地瓜，都幾得意幾麻辣，但凍左就唔好食
涼拌青瓜：宇宙級好食
5) 俏鳳凰苗家牛肉粉
有次影完相終於可以破戒食辣野！
小食好平，真係辣但好過癮
6) 樂凱撒比薩
又有一次影完可以食肥仔野XDDD
叫左個套餐，因為老公唔太好榴槤，所以揀左一半鰻魚一半榴槤
2 樣都好食，但估唔到榴槤超正！連老公都大讚！
雞翼同沙律都好好食
成日話要翻兜，但真係太多食店未試，一定一定會再食！
7) 鮮芋仙
都係今個新年上去發現新開！想試好耐
詳細睇上圖字啦 : )
真係好好食！！！！！！！
8) 雞翅包飯
地下有間專賣雞翅包飯，睇下好唔好彩多唔多人買，有時要排好耐
都好好食架！
9) 噢茶茶
同樣都係地下，之前金光華未有喜茶佢應該係第一間有芝士茶
試完都係唔及喜茶，但都叫止左心癮
不過新年發現樓上已經有喜茶喇！其實唔洗再飲呢間
10) Taste 超市
地下有間幾大可以補少少野飲零食番酒店
大推酸奶，簡愛同卡士都好食，但計最好味卡士勝
呢個都勁好飲！！！！！次次都即買即飲
如果唔想只係食附近可以搭一個站去老街東門町掃街
不過講明掃街，衛生一家無大商場咁好，so far 我食左咁多次都無話唔舒服
所以驚就唔好食，食得就唔好驚
不過東門町 d 小食都幾重複，我地次次都係食差唔多野架咋！
有種去台灣夜市感覺
呢間已經執左，好掛住呢個香芋牛奶
上次去已經唔覺眼，應該都執埋
呢間又係好好食，但只係食過一次就執左...
窩夫執左之後轉左呢間，都好食，不過都幾飽，所以試左一次就冇再食，但最近冇留意仲係唔係度
成日都好想試呢 d，到而家都未試到，好多時當刻唔想食，之後睇番相又想食XDDD
終於打晒全部有關 3V Pre-wedding 喇！！！！
下篇講下我地點搵擺酒場
P.S, : 如果大家睇完就已經想 Join 3V 不妨留言 / 專頁 inbox / pm 問我拎定資料搵我做介紹人，爬文睇到之前就雙方都有本 7" 相簿，但而家係咩優惠我已經唔太清楚喇！到時大家可能要問下，真心想 join 就記得拎定介紹人資料實有 jetso，本人就係唔記得左拎，蝕晒啦XD
你好，想要3v介紹人資料，謝謝
回覆刪除