上篇講姊妹化妝已經有幾位朋友好快手pm我問姊妹裙資料
我都唔敢拖怠慢快快手打埋呢篇!
做過好多次姊妹,有試過淘寶同香港度身訂做,如果淘寶唔係揀勁平個 D,
又識睇評價其實我覺得質素分別唔大,但價錢就爭幾遠下
香港度身訂做最大問題係花時間,最少要上去 2-3 次,第一次揀款連度身
第二次試 Size,岩可以拎走,唔岩又要再改再約時間
做姊妹時有其他姊妹試過改左幾次都唔岩身
身為淘寶達人一早鎖定左以上呢款安全牌,我諗大家都唔陌生
不過淘寶實在轉新款太快,呢款唔算多鋪有賣
顏色一直都好鐘意灰色,唔會同新娘撞色又襯到任何顏色,覺得灰色仲好有氣質的說
繼續鎖定灰色姊妹裙就搵到以上呢款都好似唔錯喎!
仲可以比大家揀款唔洗太單調
下面 3 款就係我班姊妹揀的
果然遮手臂款最受歡迎,如果我做姊妹都好想可以遮下對巨臂XD
A 款黎到勁奇怪!披肩同裙係分開的...
一心以為有扣可以扣上件衫,但只有披肩有扣
完全扣唔上條裙度,最後佢地當日好似係用針線縫上去
排除以上奇怪點,A 款算係最方便做野同行動的
B 款我都好心心眼,我見姊妹都著得好靚
不過行動力一定無 A 款方便
D 款係伴娘的,一開始我地打算訂一條睇下質素,用左 RMB115 訂左條 M Size
已經睇左尺寸但伴娘試都係勁鬆,最後係改定買過條之下,伴娘唔想浪費條裙就比錢搵人改
其實改衫錢仲貴過本身條裙,我地先覺得豬左點解唔直接比埋尺寸淘寶賣家度身訂做
度身訂做都只係加 RMB10 咋!
不過呢件個肩帶同胸形都好奇怪,個蝴蝶係要自己綁,
仲會成日移位,做野同行動都唔方便,真係得個靚字
B 款到左我的試身照
尺寸唔係我的,同埋呢 D 款真係要夠高先好睇,小矮人著會更哈比XDDD
以下搵左幾張相比大家睇清楚少少條裙
呢張可以睇到條裙究竟透唔透,印象中好似有成 3 - 4 層,完全唔會透
淘寶真係要問清楚賣家有幾層底裙,上網見過有 D 透到打底都睇到
撇開奇怪設計,A 款都真係幾靚,好遮肉
度身尺寸都算準,4 條入面只有 1 個姊妹話有 D 鬆
我都預左唔會太完美,有同大家講定唔岩可以拎去改完我比番錢
伴娘評價 FYI
最後花左 RMB600 買左 5 條裙,平均一條 RMB120
兌換港紙都比香港平
不過而家加左價 RMB115 >> RMB118
度身訂做由 RMB10 >> RMB20
就這樣
شركة مكافحة النمل الابيض بالاحساء
回覆刪除شركة مكافحة حشرات بالقصيم
شركة مكافحة النمل الابيض بالدمام