清邁布婚之旅 ❤ 【Pool Suite Chiang Mai】酒店篇...*

話咁快又到左結婚周年，2年係布婚呀！

思鄉成癮又係去泰國

不過今次去未去過的清邁，機票初嘗用里數換 

Asia Miles 40,000 + HKD 1,320 附加費

平左機票就住一晚貴酒店啦！

係 FB 群組有人介紹就已經決定左住呢間

其實早排香港發生咁多事真係冇乜心機慢慢再搵

Pool Suite Chiang Mai 都算新酒店，2019年先開業

我地 Book 泳池套房，有私人泳池呀！(重點)

格左好耐價，最後係連稅 HK$1034/晚

酒店環境好舒服好新淨，目測周圍仲開發緊

先辦理 Check In，杯野好透心涼，仲有 2 條真花頸鏈，貴賓待遇XD

有泳池一定要加錢 (好似係 500B) 轉飄浮早餐，打卡一流！

張早餐紙勁多選擇，全部都可以自選，我地揀左好耐

因為未夠鐘上房，又放低左行李，就周圍探索下

酒店唔近市中心，附近好鄉郊 Feel，之前睇評價又話附近有商場有間超市仔...百無！

7 仔都要行出大路 15 分鐘先到，行下睇下去 7 仔買左少少野食同野飲行番去就可以上房

Wo！好大，有開放式廚房，有微波爐呀！

可以再去 7 仔入叮叮野

成個 feel 都好舒服

露台呢張吊床不得了！

夜晚無野做我 hea 左成個鐘，舒服到呢~

廁所都好 Q 大！！！！

因為有泳池我完全無用過個浴缸

2 個洗手盤，一人一個唔洗等

床都好大好高

另一邊有梳妝檯

又點少得你地呢

因為係周年紀念之旅仲有蛋糕送，但寫左 Honeymoon XD

上面就係私人泳池喇！係咪好心急呢？

入住送 Tea set，夠鐘就去食 D 野先

餐廳環境好舒服，可以 hea 好耐

黎到泰國緊係飲泰式奶茶啦！

驚喜無叫挽來 (少甜)都唔太甜，飲左一啖終於有種「大師兄番黎喇！」感覺XD

2個字 --- 精緻

野食少少，但樣樣都好好食！唔洗錢算係咁啦～

食完之後又行 15 分鐘出7仔買今晚晚餐

因為太多相，下篇先介紹下個私人泳池同飄浮早餐

Stay tuned

就這樣