清邁都幾多手作市集，不過好多都星期六日限定
取捨之下日間市集我地去左 Chamcha Market 同 Rustic Market
2個市集都收 2pm，因為星期六轉酒店真係趕唔到，星期日要去晒 2 個都趕趕地
建議一日去一個就岩岩好，可以慢慢行
呢個市集同平時一大塊地有好多小檔唔同，佢係成條村咁大！
影左個手繪地圖比大家睇睇，不過係泰文XD
行到最入就係網紅餐廳 --- Meena Rice Based Cuisine
沿路好在有 D 藝術裝置 (?) 擋下猛烈的太陽攻擊
人車都係行呢條路，所以唔好掛住影相
兩邊都有唔同小店，有 D 我都分唔到究竟係民居定鋪頭XD
呢間超級靚！必影景點之一
不過冇入去睇，應該都係賣手作民族野
佈置靚到不得了！
呢度主要都係賣類似東東，手作人會好鐘意行
不過價錢都相對比較貴少少，唔可以同夜市相比
唔知係民居定鋪頭定餐廳
特式草屋，唔知賣咩XD
呢間都係賣手工藝品，巨型捕夢網好吸睛
不知不覺已經行到最入網紅餐廳 --- Meena Rice Based Cuisine
有得泊車好方便
最出名食五色米飯糰，不過我地唔太餓又好似好多人就冇食了
大到成個森林咁
呢度就係餐廳入口，時間關係冇入去食野
好多影相位
沿路都好多藝術裝置幾得意
呢間主要賣紮染，勁多款
睇中左呢件外套，但都要成百蚊，最後都冇買到
因為我係行 Rustic Market 先，發現有件長外套我買左 250B，但呢度貴左一倍！
所以我地都無乜點買野
坐係上面好似好舒服咁
懷舊車一架！
又係賣個 D 野的小店
近門口左手邊有個小型市集仔
用大樹遮陽，呢個位置唔算好熱
好似好舒服，但無標價
呢架校巴係食 Pizza 的，好得意
行到攰攰地買杯野飲
因為天氣炎熱唔太想飲 Coffee
最後叫左杯檸檬梳打，少甜，只係 $10
一邊飲野一邊聽出面位歌手唱歌好 Chill~~~~~
買左老公最愛，每次都必定係點朱古力香蕉
其實唔知佢寫乜，直接叫 papaya salad
泰國好似真係隨便一間都咁好食
臨走老公睇中左手工糕點，又係勁平，唔知賺乜，件牛油蛋糕 $2.5 咋！
牛油蛋糕好香好好食
我揀的 Brownie 都好好食呀！早知買多 D 啦！
如果再黎清邁都會想再行 Chamcha Market，但會預早 D 時間同埋試埋 Meena
預告下篇介紹另一個文青市集 --- Rustic Market ！
沒有留言:
張貼留言