清邁布婚之旅 ❤ 超快行完的周六夜市...*

對於勁愛行夜市 / 市集的我們，到清邁一定要安排有星期六日
就好似去曼谷一定要包括星期六日行JJ一樣！
星期六轉酒店，基本上已經無左半日，所以 Check in 後先安排按摩行程

未睇可以睇睇 ↓
清邁布婚之旅 ❤ 無印風按摩店【Sense Massage and Spa】...*

按完出來都天黑了！可以行周六夜市喇 Yeah~~~~~
由按摩店行去夜市都要 20 分鐘，因為方便認路我們沿古城邊行過去
沿路都 OK 黑，但唔覺得危險

好多人呀！

有野食 (流口水中)

有人見到話好想試下，等左好耐先燒起，食落口感好似好韌的牛肉

沿路會經過清邁門市場，位於清邁古城南邊

日頭就係普通菜市場，夜晚就會變夜市

好多小食檔同時都好多人好熱

約 $10 杯的牛油果沙冰好吸引！

老公一眼就被中間個件吸引，著完成個泰國人咁XDDD

好多手作野

買了左邊散紙包，好復古

色彩繽紛的掛飾

呢個好靚！好適合掛小朋友房

有少少想食野，行行下行左去一個有野食又有位坐嘅地方

天氣好熱只想食木瓜沙律 (藉口XD)

老公叻仔自己叫左個海鮮炒金邊粉，幾有鑊氣

呢度都有牛油果沙冰，正！

而老公永遠都只係會飲西瓜沙冰

彈結他個隻好搞笑

但同時又諗佢地係賺錢工具，希望主人會好好對佢地啦...

沿路都有呢 D 盲人表演音樂

夜市暗藏手工達人！

見到 PC 收為會有啦！點知真係得個牌架喎 LOL

好精緻

碗碟超可愛，而家睇相就後悔無買番 2 隻

好靚呀呢條連身褲，不過好睇唔好著

影左當買左

另外想講下成個夜市都好多小飛飛，飛都算有 D 仲會咬人，好痴線！

老公仲比一隻撞左入眼，危急情況下用眼皮夾死左隻小飛飛 OMG

之後仲開唔到眼紅晒，好在身上有水，即刻拉佢去一邊 FA 上身幫佢沖眼

好在沖完過左一陣無事咋！但呢條友真係好黑仔XDDD

好想知呢 D 係咪蟹膏黎？好唔好食？唔會好腥咩？

發現笑哈哈，好似 100B 一個，諗左陣都係冇買，而家睇相又....

又一個手工達人表演緊

你可以想像到呢 D 都係人手造嗎？

經過一個餐廳門口覺得好靚

周六夜市好快就行完，回程買 D 野食番酒店

不過選擇唔算好多

唔少得的燒烤

仲有芒果糯米飯

間間都咁好食！

再加多包青芒，完美的消夜

是日戰利品，主要都係夜市買的

紮染只係 100B 件，又舒服又涼爽！

預告下篇介紹同樣必去的周日夜市 --- Chiang mai Sunday Night Market！

就這樣