住在新界西的我早就聽聞位於屯門「季季紅」的蝦禾米乳香豬,
但這麼近那麼遠, 一直沒機會試試...
不過前排有機會到位於灣仔的「家常便飯」其中一道菜就是蝦禾米炸子雞, 名字咁相似?!
原來「家常便飯」正正就是「季季紅」的分支呀 !
一坐低就收到禮物了, 包括好懷舊的雞公茶杯, 隔離的是茶包....
唔好睇少這茶包...有清脂降血壓功效, 適合當下都市人架!!!
本身好喜歡飲茶, 呢個味道同玄米茶味道好似, 當晚我飲了好多啊~!
差不多人齊就到主持(左)同創意及營運總監(右) 郭漢平先生簡單介紹一下~~~~
家常便飯主要提供廣東家常料理, 以健康、營養豐富及無味精菜肴、
足料老火湯作主打, 打造時尚健康餐飲新文化
當晚放左工就出去了, 真係好肚餓呀!!!
首先出場的是這個湯~~~~
除左飲茶, 我都好喜歡飲湯
藍地季季紅風味酒家的馳名湯水, 選用集團與私家農場合作的優質靚豬,
僅擇用豬肺頂部的蝴蝶腩, 肉質較普通豬肺軟稔,
加上鮮白菜、南北杏及杏粉等通宵燉製而成,
清香滋養而且絶不含味精
（溫馨提示 : 每天限量12煲架咋, 想飲記得預訂喇!）
其實我唔太喜歡杏仁味, 杏仁糊我絕對不吃的, 呢個湯杏仁味都唔輕架,
不過可能係湯又係鹹o既, 比甜點杏仁糊更易接受, 真係飲多碗都仲得喎!!!!
呢個一放低大家都覺得好得意呀!!!
好似西式o個d high tea架=]
包括有 : 炸魚塊、蓮藕馬蹄餅及芝心花枝丸
而呢2個醬係絕配, 點左佢地好味好多!!!
秘製士多啤梨醬 : 選用新鮮士多啤梨果茸混入沙律醬汁, 入口酸咪咪, 配炸魚塊食, 真係好開胃~
全人手製花枝丸, 好彈牙, 一咬落去d芝士流出黎, 超正!!!
我唔客氣喇XD
記得要襯熱食先好味, 不過小心熱呀~
食2粒左右就會覺得有少少漏, 最o岩一家人齊齊share喇!!!
以潮式古法炮製, 馬蹄切粒後混合新鮮豬肉釀於蓮藕片上
出面食o個d蓮藕馬蹄餅成日都會覺得蓮藕唔夠, 呢個有成塊o係底,
口感更加爽脆, 不過我覺得單吃味道略淡, 配日式芥辣蜂蜜沙律醬一齊食就剛剛好了~
最底層炸魚塊 : 冰鮮龍脷柳以自調脆槳炸熟, 能長時間維持外脆內軟的口感
呢個驚喜在於內裡的魚柳絕對唔似平時街外食o個d魚柳咁死實實乾爭爭,
魚肉好滑口感好似食緊蒸魚d魚肉咁, 我食魚比較鍾意多骨的, 呢個好o岩d唔識"論"骨的朋友呀!!!
創意海鮮新菜：楜椒蝦
每日大廚都會花時間親自去著名街市入新鮮蝦, 加上原粒白胡椒炒成夠晒鑊氣,
新加坡出名胡椒菜式係用東南亞海鮮, 家常便飯就改用最新鮮本地海鮮,
貪其殼薄肉嫩, 啖啖皆充滿白胡椒味
呢個真係好香好香, 我而家都好想再食呀!!!!!
蝦殼比較薄, 如果夠牙力, 真係連殼都可以食埋~~
而且份量都唔少, 我們一檯8個女生每人都可以食到好多隻~
食完濃味的楜椒蝦, 之後就中和一下味蕾!!!
蕃薯苗含有豐富的鎂、鈣及膳食纖維等豐富營養成分,
有促進心臟、血管健康及美化肌膚功效
香港比較少人會食, 不過我番國內其實都幾普遍架, 仲有南瓜苗都好好味架!!!
我最期待的一道菜 --- 蝦禾米雞!!!!
承傳藍地季季紅風味酒家的馳名米芝蓮星級名菜蝦禾米乳豬, 換上皮脆肉香的炸子雞,
中間有釀香飯配料, 炒飯乾身再配合油雞剛剛好...
大廚嚴選成長100天、約2斤重的走地雞, 由集團與私家農場合作培育供應, 雞隻於大自然環境下自由成長,
蝦禾米雞屬工夫菜式, 由風乾、入飯、吹風，到半浸炸等工序需時約五小時, 即叫即炸!!!!!
配以自家製沙薑蓉 / 以冰糖醬油現煮成的瑞士汁, 可帶領出三種層次的濃郁雞味
（每天限量15隻，必需預訂）
當晚仲係happypy生日, 用蝦禾米雞代替生日蛋糕都幾創新喎XD
郭漢平先生仲即席示範點拆雞先最正宗
我地手無博雞之力, 當然有人開埋比我地食啦XD
炸子雞去飲都有食過, 不過好多時D肉都會比較乾...完全唔好食!
不過呢隻蝦禾米雞D肉都保持到好嫩滑, 而D皮又好脆, 唔錯唔錯~
最後食埋碗糖水就滿足晒喇!!!!!
食飯除左美食之外, 仲要有一班好友相伴先開心架嘛!!!!!
呢餐飯我食得好開心呀~多謝你地=]
我地仲參加左由家常便飯FACEBOOK舉辦的溫馨開飯照比賽呀!!!!!
已經講好如果WIN左我地原班人馬再一齊去食過~
希望大家可以投我地一票啦~~~~~
CLICK以下呢條LINK再LIKE呢張相就OK架喇!!!
感謝大家
號外 : U Magazine (U Food) 已經報導左當晚情況喇, 仲有我同Win Win肥肥圓面呀=口="
最後post一下勁廣告feel的一張...
我想講我塊面瘦到XD 以後影相一於整呢個樣啦~wakaka!!!
就這樣啦
沒有留言:
張貼留言