未接觸激!光!脫!毛!前, 比我個感覺有3個, 分別係...
1. 痛
2. 好痛
3. 超爆痛
總合以上3個答案, 我地得出 [激光脫毛=痛] 呢個公式 XD
我未接觸過其實又點知係咁痛呢?
因為我有Win Win呢個勇者...佢曾經去過某一間公司體驗過一次腋下激光脫毛!
完成之後佢同我講痛到 _________(形容唔到呀, 自己填d形容上去啦XD)
好似比人一拳一拳打落個加拿大咁=口="
已經嚇得我半死
然後o係唔知邊度見過d人討論激光脫毛, 『好似用把界刀一下一下界落隻d皮膚度!』
呢一句深深咁植入左我個腦入面......
一個貪靚但因為怕痛連耳窿都唔敢穿o既人, 即係我...竟然去試激光脫毛?!
唔該比d掌聲XDDDDD
上星期六我帶著不安的心情到達 20Beauty女士激光脫毛中心
本地首間採用Quanta System Q1 755nm波長激光儀器及提供免費「終生保養」的女士激光脫毛機構之一
鋪面唔算大, 不過感覺幾舒服!
一見到美容顧問BOBO, 我第一句已經問「痛唔痛架?」
答案當然係唔痛啦~.~ BOBO話只係有DD 吉吉地...
其實當刻我唔多信XDDDDD
我本身d毛髮都好多...又生得特別快...名副其實毛孩一名!!!
今次揀左小腿黎脫...本身我想上唇架, 不過我用緊Obagi就唔太適用!
全身上下得對腳比較瘦...夏天又熱成日都著短褲...
我每晚都會諗定第日短唔著短褲...因為我會沖涼時順便用剃刀剃...
呢個方法唔係最好不過最快!!
呢對就係我知道要做激光脫毛後, 成個星期都冇搞過佢o既腳...
睇落都可以啦, 好似冇乜毛呀!
你以為啦...
d毛又黑又粗...只要唔理佢一排...呢對腳就會變成一對男人毛腳架喇!!!!!!
由下向上摸感覺就真係吉吉地喇XDDD
激光脫毛最重要的2部機...
[左] 20 BEAUTY女士激光脫毛中心採用的Quanta System Q1 脫毛技術,
已獲美國食品及藥物管理局（FDA）及歐盟28個國家安全證明（CE）的認可
採用的正是755nm波長激光
[右] 冷卻系統, 呢部機好重要!!! 激光脫毛痛唔痛都睇佢喇~!
個原理其實就係咁...一邊發出冷卻系統保護肌膚一邊就發射激光喇!!!!
一對小腿只打180度就需要15分鐘左右~
第一眼見到治療師我第一句又係問「痛唔痛架?」XDDDD
治療師 : 唔痛架, 只係有D吉吉地(係咪標準答案黎架請問XD) 可以接受架~
我 : ......(已經驚到冇咩反應)
最後...
由於治療師打前冇通知"我打喇!"咁...而我又曚左眼...
當我以為只係冷卻時原來已經打緊!!!!!!!!!!!!!!!!!!!!!
治療師 : 點呀? 有咩感覺?
Cat : 下?打緊架喇?
治療師 : 係呀!
原來真係唔係痛, 只係吉吉架! (我已被洗腦?!XDDDD)
毛孔比較粗同多仲有D骨位有吉吉地, 其他地方都係涼浸浸而已!
有時D野真係唔自己試過你永遠都唔知咩感覺架~
完左之後回家我細心睇下對小腿...有D位都仲有少少毛...
打之前其實治療師會幫你剃下D毛架, 可能剃得唔乾淨掛?!
到左今日第3日, 我已經覺得少左D毛...由下向上摸吉o既位置少左呀!!!!有d位都已經平滑左!!!!
記得打完激光最好唔好搞佢, 因為剃會刺激到毛孔...
以前著短褲出街前一晚一定要剃...呢3日我冇剃但著短褲都接受到呀!!!!
如果你地都想免費體驗一次...可以click以下呢條link登記啦 ↓
我仲問左BOBO大家最怕o既第2個問題...就係會唔會好HARD SELL架?!!!
放心, 美容顧問得一位就係 BOBO, 佢話唔會HARD SELL, 如果有興趣問先同你介紹D PLAN~
而治療師只係做療程, 都唔會HARD SELL架!!!
大家可以放心啦=]
如果之後有咩不滿都可以同我講番, 我可以幫你地反映下啦~~~放心喎!!!!
之後我仲會同大家報告一下個進度架, 留意住啦 !
就這樣
沒有留言:
張貼留言