各位平安夜快樂！
襯仲有一日先聖誕快快手出左呢篇應下節先！
好久沒出 Event 的我終於出山了XD
這天就來到 Grand Hyatt Hotel 參加由 KOSÉ 雪肌精 SEKKISEI 舉辦的 Christmas Party 提早過聖誕！
送你一瓣的雪花 ♫ 薄荷綠好靚呀！
唔知大家有冇用過雪肌精呢？用過的從上圖看到有新品嗎？
利申：我就未用過，但我就曾經在 Sogo Thankful Week 戰場上買過一套美白 Set 送比貓媽
唔知你估唔估得中，就係我身邊的「滋潤版雪肌精」化妝水和乳液囉！
為迎接品牌誕生的30週年 (同我一樣 1985 年出世架！)，雪肌精 SEKKISEI 特別推出「滋潤版雪肌精」化妝水和乳液，與大家共渡寒冬
當日場地佈置超美的，每一角落都有亮點
來賓可以把聖誕願望掛在聖誕樹上，我個願望好普通但又好難實現就係世界和平！
希望恐怖份子全部消失！
另一邊又有一堆盆景 DIY，有肥兔子、鹿仔同好似豬的羊咩咩可以揀
簡單放入盆景的完成了！
盆景入面還附有迷你雪肌精 SEKKISEI BB Cream (試過上手幾透薄呢！)
我揀左肥dodo的羊咩咩，羊咩咩側邊仲有棵空氣草，只要定時噴水就好易打理架喇！
我當然又用來借花敬佛氹氹貓媽開心
Christmas Party 又點少得大食會呢！因為掛住食冇咩點影相:p
但我要記低有個雞湯超好飲！好足料！
而我手上這杯顏色超美的好像是檸檬梳打，蠻好喝的
大合照時間，都係要問搵唔搵到我呀？
好！開始介紹新品
活動中很幸運答中司儀問題得到迷你版化妝水和乳液，拍埋一齊比例好可愛呢！
（左）藥用雪肌精美白化妝水 <滋潤版> [醫藥部外品] 200ml HK$310
（右）藥用雪肌精美白乳液 <滋潤版> [醫藥部外品] 140ml HK$310
「滋潤版雪肌精」化妝水具備極佳的油水平衡配方，兼備「高效滲透力」和「滋潤度」，不黏膩、快速滲透的同時能收緊毛孔，撫平肌理，打造水潤透亮美肌。
即使在乾燥的冬季，「滋潤版雪肌精」也能為容易缺水的肌膚注入滿滿水分，締造充滿光澤感的透亮美肌。
比普通版不同之處就是成分額外配合了具高度保濕力的麥門冬萃取液及去除暗黃暗啞的天人花萃取液，打造透明感，令肌理變得細緻滋潤
＜配合成分＞
和漢植物萃取液［薏仁萃取液、當歸萃取液、白蘞萃取液、麥門冬萃取液、天人花萃取液、BG保濕］
質地水水的，仲有好香的爽身粉味(Like！)，快吸收
Toner Mask 之王(自稱...)當然要用 5 分鐘會一會佢先！
用後皮膚變得水噹噹，但遠睇對比唔覺有咩改善
近睇就睇到毛孔有收儉，仲有少少降紅鎮靜效果，用黎急救好得！
保濕效果都好好呀！係個心有少少肉赤咋嘛XD
「滋潤版雪肌精」的藥用美白乳液同樣「高度滋潤」、「不黏膩」，乳液能平衡肌膚的水油成分，護理因乾燥而造成的暗啞問題
乳液同樣配合具高保濕效果的麥門冬萃取液和天人花萃取液，滋潤肌膚，提昇透亮感，同時配合三種潤滑成分，濃厚滋潤觸感，有效柔軟肌膚底部。「滋潤版雪肌精」乳液以玫瑰和茉莉作基調，混合甘菊和牡丹花，調出柔和的香氣
＜配合成分＞
和漢植物萃取液［薏仁萃取液、當歸萃取液、白蘞萃取液、旋覆花萃取液、麥門冬萃取液、天人花萃取液］、甘油 (保濕)
質地易推易吸收，冇 Toner 咁重 BB 味
用後皮膚滋潤又柔軟
我都唔係成日 Toner Mask 架XD
洗完面配合化妝棉搽 Toner，化妝棉好處時可以順便帶走老廢角質
之後可以用精華或者直接用 Lotion
晚上比較好吸收，我多數 Toner + 精華 + Lotion (天氣寒冷都額外加護膚油)
早上就簡單好多，Toner + Lotion + 防曬 (天氣寒冷都額外加精華/護膚油)
如果只用 Toner + Lotion 就是以上水分數據，都唔錯呀！
最後，品牌送了一疊優惠券比我送比大家！
只要買滿 $100 就送三樣試用裝！
如果咁岩要 / 想買雪肌精就唔好錯過喇！！！！
優惠期去到 2016 年 01 月 31 日，因為我都想大家可以 happy share 比你地親朋好友(燒埋佢地lol)，所以每人最多可以要 4 張，inbox / pm / 留言(悄悄話) 地址比我就寄比你喇！我有 50
張，送晒就無架喇 :)
就這樣
沒有留言:
張貼留言