呢支 ENTIA 紅石榴活漾青春精華露早於 6 月已經收到
但我都係 11 月先開始用(有原因的請看下去吧!)
差不多一個月日夜都用都睇到已經去左 2/3了!
再唔出我諗只得一個吉樽XD
品牌代言人是韓國人氣女團組合 KARA 的成員 - 具荷拉
紅石榴又名紅寶石,我只知道抗氧化好好,原來仲有咁多功效架!
而呢支 ENTIA 紅石榴活漾青春精華露主要成份就有紅石榴、山楂、蜂王漿、紅花、洋薔薇花、玫瑰花、向日葵籽及馬齒莧等萃取精華,腺苷及透明質酸等
產品特點:
紅石榴成分具超卓抗氧化及增加肌膚彈性功效;山楂含有大量維他命複合物,具優秀的美白及延長細胞年輕的效果;蜂王漿為肌膚補充所需氨基酸及礦物質,速進新陳代謝。豐盈精華露能深層滋養修護乾燥肌膚,並補充水分,幫助撫平細紋,提亮黯沉膚色
韓國製造
適合中性 / 乾性 / 細紋 / 枯黄黯沉 / 缺乏彈性或營養等肌膚 (敏感肌膚除外)
點解我等到 11 月先用呢?
因為我前排好多精華要試XD (堅的!)
而呢支精華個質地我覺得偏厚同潤,唔講真係以為佢係面霜,所以我等到入冬開始乾先用
混合肌表示呢個時候作為精華用就剛剛好了!
而其實標題指不同用法四季皆宜就是指春夏可以直接當面霜用,而秋冬當精華都得!
(以上只是針對混合肌的建議)
不過我太多面霜存貨,再唔用真係放到2046 XD 所以我習慣都係精華+面霜囉~
精華只有淡淡花香,早上我用 2-3 泵(按寒冷度而定),晚上就用 4 泵全面連頸搽
好易推,按摩下都好快吸收,用後皮膚變得柔軟又有彈性
保濕效果都唔錯,而且仲有一定滋潤度
個人覺得呢支精華的效果對於我唔算特別明顯,用左差不多一個月都冇好驚為天人的效果
不過都明白抗氧化呢 D 真係比較難睇到,保濕同滋潤都做到就已經叫合格喇!
你見我一直用到差不多見底就知我都幾鐘意用啦!我係會用晒先開新精華用
產品由 ♥ Colourmix Facebook 團隊 ♥ 提供
Colourmix Facebook: https://www.facebook.com/colourmix.cosmetics
就這樣
沒有留言:
張貼留言