// 囍 // 越洋陌生人的愛 ❤ 哈哈笑結婚公仔的故事...*

係出PW道具篇之前我想打左呢篇先！

因為呢對哈哈笑結婚公仔除左 BIG DAY 會擔當花車公仔之外，亦都係 PW 道具之一，而它們的來歷是有一段故事的，是我將會記一世的奇妙經歷

話說知道要結婚了，心中大大小小想法無時無刻湧現 (各B2B應該懂的)

想到婚宴主題第一時間就諗究竟用反斗奇兵胡迪定哈哈笑好呢，由於本人對翠絲沒好感(不想結婚公仔湊成一對啊！lol)就決定用會令人開心的哈哈笑

曾經在 IG 見過這對哈哈笑結婚公仔，之後就上網搵搵搵...

但原來好難搵，問過其他擁有人都話香港搵唔到，要外國入手

要數最近都係 2014 年希慎舉行過的 SMILEY WORLD 展覽有中、西式賣

身為哈哈笑迷當年我都有去潮聖，但沒留意結婚公仔呢回事 (可惜)

皇天不付有心人終於比我搵到一間小店有喎！

勁開心打去問，點知店員話只有中式，西式已缺貨年多....

心中盤算過如果最後都係搵唔到西式，中式都照要

輾轉之下我又見到一個賣買平台有呢對公仔出售，對於係唔係二手我已經唔介意

就嘗試直接聯絡賣家，點知原來佢住新加坡

我英文唔係太好，又叫埋好友幫手一齊同賣家傾下肯唔肯以運費自付方式運黎香港

最後賣家好好人肯

言談之間她竟然話只收我運費當送我結婚禮物，當下實在太驚訝，實在不想佔人家便宜，唯有先感謝好意再拒絕，再叫她先到郵局計算運費

幾日之後，她到了郵局報左運費比我，然後直接問我地址想先寄出，我怕她到郵局不方便就先比左地址，不消一會就寄出了，而我仲未比任何費用！

最後她說收到公仔之後只要給她運費就好，當下實在非常感動

等了又等，一星期之後我終於收到喇！對公仔非常新淨，好好好鐘意

之後立即問賣家拎 paypal A/C 比番運費，點知佢先話其實佢冇 paypal A/C (之前雙方一早同意用paypal 比錢的)，即係佢一早打算送比我，我真係感動到唔知講咩好 T.T 

我已經帶左佢地去影 PW，等收到相之後我就會準備一份小禮物秘密地寄比佢作回謝，希望佢睇唔到呢篇文啦XDDDD

呢次經歷絕對係值得出一篇文去紀念，遇上你太感恩不遲亦不早，衷心感激 ❤

就這樣