// 囍 // Pre-wedding ❤ 淘寶道具篇...*

終於打到 PW 淘寶道具篇喇！

除了上一篇 meme 曚曚抱枕之後我都淘左幾樣道具去豐富我們的婚照

第一個就係老是常出現的名字木牌，超多顏色、字型揀

賣家先會問你想睇邊一個設計先整初稿

建議名同名之間可以用"&" or 心心，如果有埋婚期仲可以整埋上去

但我未擇日已好心急整:p 反正我都覺得日期唔係咁襟睇

原先只係指定左 3 個字型，之後又心思思想睇多幾款，賣家都好配合

最後成品圖，包得好好，冇任何損壞

我揀左最簡約易襯的白色

Big Day 當日又可以拎番出黎擺

 RMB 60 + RMB 8 運費 = RMB 68

呢個木牌影出黎都真係幾靚呀！

話說我有氫氣球情意結，絕對係沙灘 must have item

SF 集運好似係唔可以送氫氣到香港的，所以我先問左 3V 客服可否寄到門市代收

到我上去影相先拎番，3V 客服回覆 OK

我就淘左罐迷你氫氣瓶 (RMB75) 唔好見好似好大罐，其實只係泵到 15-20 個左右

泵一抽影相都夠晒架喇！

切合哈哈笑主題都係用哈哈笑氣球，懶出去買連絲帶都係淘，其實都應該平過出面買

哈哈笑氣球 RMB 12 (100個)

白色絲帶 RMB 6.5 (220米)

只要見到氫氣球就好開心，仲好襯我條綠色裙

當日我地影完仲有唔少新人問我地借黎影相，反正都用完我地都好歡迎借比大家

如果你地睇到我呢一篇不妨 say 個 hi

韓式 Just Married 紙牌 (RMB 15)

實物同相一樣，呢個要花少少時間自己穿好

因為紙牌出場比較少，所以偷影唔到效果圖XD

好多時隻手唔知放邊拿花球最好喇！

3V 本身都有花球提供，但我都係想自備以防萬一

淘寶 Search 花球多如繁星，我睇左好耐好耐...

最後想搵白色為主，清清地就 OK，又要唔好太貴

最後搵左好耐終於搵到呢款岩心水，唔多賣家有架！算罕見 (RMB 55)

手機影實物都 OK

大機影仲靚 D！

不過影影下甩左朵花出黎，好快手塞入少少又影過，之後番黎先認真痴番

最後仲淘左 2 樣用黎 DIY 的麻繩 (RMB1.62/30米) 同蕾絲布貼 (RMB5.8) 

又係懶得出去買同淘寶平D！

就係用黎整真滿天星捧花

我地o係酒店附近搵到間花店就買左 RMB 60 大花滿天星

不過紮花打風晒我完全整唔掂，好失落之際男友放低手機拍心口話幫我整

呢一刻好感動，簡直係我心目中的男神

好快手一陣就已經整好喇！

我睇左幾篇教學都搞唔掂，佢冇睇都整到，太利害 (拍手)

Thank you so much ❤

滿天星捧花用黎去北海道小木屋影相好襯

如果大家想要淘寶 link 就留言問我啦！我懶得而家搵出黎XDDDD

下篇會講淘寶婚鞋同飾物 : )

就這樣