影 PW 前一日就要去 3V 揀衫喇！
提提大家如果可以就盡量揀平日同早少少揀衫，因為假日通常比較多人影，有 D 款會借左出去影相，而早少少都會比較多款可以揀
因為相比較多，我就分開婚紗同晚裝兩篇
另外，本人冇模特身形，有肉地少少胖，所以一定唔係款款都 carry 得好，希望大家唔好介意
而我目標都好明確 --- 顯瘦！
個人覺得著心形胸最顯瘦，所以我都主要集中揀心形胸去試
成個試衫過程都有一位助手全程 follow，又著又除又幫你擺好裙擺，都幾辛苦，而佢全程都好好耐性 (讚)
婚紗比例多過晚裝，可以任試直滿意為止
我要揀 2 套白紗影韓式影樓同埋城堡
韓式影樓我想韓 D，魚尾係我首選
而城堡要有大拖尾有氣勢少少
好！廢話完我地開始試衫喇！
有袖款都幾韓，我都幾鐘意，重點係個袖仲可以遮我對粗壯手臂XD
呢款...唔...好似係我男友揀...點知原來係大露背！我著 Girdle 唔係好適合，同埋著到好肥 OUT
之後試心水魚尾，都係顯胖 OUT
呢款前面個 2 塊係咩一回事呢請問？我點放都覺得好奇怪，連助手都唔明，直接 OUT
呢款一著上去就好鐘意喇！遮到少少手臂，魚尾外面又有層紗若隱若現
順帶一提，有 2 排婚紗係只供內景，大家記得要問清楚
Aline 款幾顯瘦，正正常常
幾簡單個設計，都幾新淨
上身好多石都幾閃，有腰帶設計後面睇都幾顯瘦
呢件好顯腰線，但殘左少少 (不過影相唔覺的)
呢件只供內景，好澎湃仲好重，幾顯瘦，但太重我唔考慮
最後我揀左呢 2 件！
左：城堡
右：韓式影樓
因為我地好黑仔的關係，第一次未出發已經落大雨出唔到外景
所以當日只係影左韓式影樓，好順利沒問題
但我第 2 次再去我發現佢地根本係冇幫我 hold 到衫，未上去之前我已經問多次佢地有冇幫我 hold，答案緊係話有啦！但我上到去明明見到我揀左都掛晒出黎比人揀的狀態當中
最後，好彩係晚裝搵到晒，但影城堡件拖尾比人借左 (嬲)
所以又要再試，但我已經冇咩心情，只係試左 3 條，其中一條仲係上次試過覺得 ok 的
呢條就係上次試過，因為有幾條都幾似，搵左好耐先搵番，幾驚比人借左又...
呢條同上面 cutting 好似，分別係上面腰間有閃石，同埋下擺 d 花唔同
呢件都幾顯瘦，但感覺老成左少少，唔係好襯我
最後我都係揀番第一次試過覺得 OK 又新淨個條就算
Final 左：城堡
Final 右：韓式影樓
下篇再介紹晚裝:)
P.S, : 如果大家睇完就已經想 Join 3V 不妨留言 / 專頁 inbox / pm 問我拎定資料搵我做介紹人，爬文睇到之前就雙方都有本 7" 相簿，但而家係咩優惠我已經唔太清楚喇！到時大家可能要問下，真心想 join 就記得拎定介紹人資料實有 jetso！
就這樣
沒有留言:
張貼留言