// 囍 // 3V Pre-wedding 揀衫 ❤ 晚裝篇...*

終於有時間有心機打埋 3V 晚裝篇 (呼)

晚裝要揀三套，分別係城堡、小北海道木屋同沙灘

因為婚紗試左太多好攰，晚裝我只係試左好少揀到就算

注意：

本人冇模特身形，有肉地少少胖，所以一定唔係款款都 carry 得好，希望大家唔好介意

而我目標都好明確 --- 顯瘦

廢話少說開始！！！！！

男友揀，個版形其實都 OK 的

不過上身質地係絨，唔係好岩天氣，同埋成件都好重

男友揀，一著出黎佢就心心眼，一定要我揀

我覺得都靚同顯瘦(重點！)，D 花都襯到小北海道個郊外景，顏色又襯到啡色木屋，揀左！

因為鐘意粉紅色所以都試左 3 條，以上呢 2 條個色唔係好襯我，覺得顯黑同 Young 左少少XD

原來唔係隻隻粉紅色著上身都好睇，2 條都 OUT

反而呢條 Dirty Pink 一試就鐘意喇！

顯瘦之餘帶有少少成熟感，而且有大拖尾好岩城堡個景

雖然裙上花花有 D 甩條裙又有少少殘，不過影相唔覺，就揀你啦！

都係男友揀...咩料呢條？好似老左 10 年咁....

因為又除又著又綁太煩，試到中間我都叫助手唔好綁得太認真，係鐘意一著就會知

所以好多後面穿晒崩又唔貼身，請大家見諒

呢條,配色其實幾靚，但上面個截著到我好肥同埋有少少似底衫，最後都冇揀

揀完 2 條長晚裝，就可以轉攻沙灘短裙晚裝

短裙晚裝得一間房仔 2 排，好少款可以揀

隻色唔襯我顯胖，仲有少少娘 OUT

胸前太閃同埋顯黑 OUT

呢個款之前做資料搜習時已經睇中，心形胸顯瘦，款夠簡單冇閃閃野

試晒 2 隻色，因為想件件都唔同色又想 colourful 少少，最後我揀左綠色！

但其實條裙都幾殘舊，雖然話影相唔覺，但都想有更好可以換

男友揀，唔呢條好新淨，知點解覺得好似灰姑娘，同埋太長

顯胖 OUT

因為天氣唔好分開影左 3 次，第 2 次上去知道番左新短裙晚裝

我一心想睇下有冇更好可以換左件綠色

新係好新...

但唔岩 FU 就係唔岩 FU，2條裙擺都太蓬了！係咪要跳芭蕾舞呀？XDDD

最後都係維持原判

下篇就講估唔到試左勁耐o既男禮......

P.S, : 如果大家睇完就已經想 Join 3V 不妨留言 / 專頁 inbox / pm 問我拎定資料搵我做介紹人，爬文睇到之前就雙方都有本 7" 相簿，但而家係咩優惠我已經唔太清楚喇！到時大家可能要問下，真心想 join 就記得拎定介紹人資料實有 jetso！

就這樣