快手打埋篇男禮先！
男禮目測都幾多款，但要揀到岩岩好都唔係易事，睇落去就知XDDD
男禮冇得好似女裝可以 hold，都係影當日襯女仔化妝時揀的
天雨關係，第一次只係影韓式影樓，我化緊妝男友已經好快同助手揀好衫
就好普通的黑色西裝，影韓式影樓大致都係呢類正式款，其他飾品化妝師會襯埋
第二次因為我上次已經 hold 左衫，有時間可以早一日比我地揀埋男禮 (太好了！)
極快就已經揀好呢套藍色暗條紋，完全係一見鐘情款，又 fit 又好睇
右圖就係比大家睇睇襯我邊套衫
仲要揀多套，我以為會好快啦....點知搞左勁耐！一套竟然用左 2 個鐘！！
因為鐘意個款未必有碼、外套岩褲又唔岩、外套馬甲岩又冇褲，外套褲都岩冇馬甲...
最後好勉強揀左套灰色暗格，因為太想要馬甲我地仲自己襯左件完全唔同款的 (汗)
諗住 hold 左先，如果真係覺得好奇怪就唔要馬甲
而家睇番真係覺得幾怪下XDD 而最後都係因天雨冇影到呢套
因為前面 2 套都係白色恤衫，服裝師有建議過襯下呢兩隻色...
唔...只可以話唔襯男友，我地一致覺得都係白色順眼 D
終於到左第三次，同樣因為我 hold 晒衫又可以早一日揀定男禮
經過上次經歷都係早 d 揀好 d XDDDD
今次影小北海道係郊外小木屋偏森系，我就準備左以鹿仔做主題，仲淘左 d 鹿仔配飾
襯到鹿仔配飾又要森系仲要襯埋我套衫就決定揀啡色
今次好 lucly 有齊晒仲岩身，拼埋個鹿頭真係好襯呀！
之前爬文已知 3V 打造的沙灘 Look 一般，不過都要睇你想走咩風格，型仔西裝絕對 OK
但我想輕鬆開心又會玩下水，短褲係首選，而 3V 是沒有短褲的
所以呢套都係自己準備，剩係揀件恤衫都揀左好耐....褲就係 U 記的
4 套男裝就完成了！下篇不如講下住宿？
P.S, : 如果大家睇完就已經想 Join 3V 不妨留言 / 專頁 inbox / pm 問我拎定資料搵我做介紹人，爬文睇到之前就雙方都有本 7" 相簿，但而家係咩優惠我已經唔太清楚喇！到時大家可能要問下，真心想 join 就記得拎定介紹人資料實有 jetso！
就這樣
沒有留言:
張貼留言