// 天籟之音 // 我與 SUDIO REGENT 的生活日常...*

最近同我出相入對的應該就係呢個耳罩式藍芽耳機『天籟之音 SUDIO REGENT』

本身都想當聖誕禮物介紹，但因為上年年尾比較忙，拖到而家先有時間發文

唔緊要！聖誕之後好快又新年，就新衫新褲新耳機啦 :P

呢個就係 SUDIO 最新推出 REGENT 無線貼耳式藍芽耳機，採用 Bluetooth 4.1技術，電池壽命超越 24 小時，仲有好重要的 10 分鐘快速充電

備有黑白兩色，我就揀左型格黑

可摺疊式設計，結構輕巧，方便攜帶

有分左右架！記得唔好帶錯

整盒配件唔多，用戶手冊、保養卡、快速使用指南、充電線及音頻連接線

如果連 10 分鐘叉電時間都冇都可以直接用音頻連接線繼續聽歌煲劇 Music forever Yo！

而另一特別之處係同 Fashion 有關，就係可以換唔同款的外殼

因為黑白配男仔女仔配所以我揀左白色雲石圖案XDDD

而家連耳機都可以襯過先出街喇！

暫時推出左 4 款外殼

換殼十分簡單，有晒指示，擰下扭下就搞掂，而家離遠都見到我個耳機啦！

好消息係而家買 REGENT 耳機就會送耳殼，請好好把握機會

耳機得三個掣，操作非常簡單，中間開關，左右兩邊可以較音量

藍芽連接電話就可以用了！

有次我試耳機入房煲劇，過左一陣男友入黎問我搞咩冇晒聲，以為我訓左想幫我熄燈

好貼心呀！唔！咪住...即係話...我平時好嘈啦？

最近去邊都帶住，唔聽又可以掛頸當飾物一部分，我覺得都幾型

唔明點解可以影到我好似有 170cm 咁高XDDDD

而家放假鐘意去郊外多過行商場，行下坐下食下聽住歌放空又可以消磨一個下午

順帶一提耳機音質好好，好清無雜音

行山要體力都好少 belibala 係咁講野，聽住音樂靜靜地行下仲舒服

但要提下大家耳機好隔音，使用時請務必顧好人生安全

生日同男友去左河背水塘行下，水塘超級大風，跳起被風吹會感覺到有輕移一下

上到去我先發現耳機都可以擋下少少風，護住喉嚨唔好被風吹親

除左我成日用之外，另一用家就係 PS4....唔係...係男友先岩！

但藍芽起唔到作用，完全連接唔到，我地懷疑只可以用自家品牌...

不過都可以駁線插手掣用，開左隻喪屍 Game 佢話帶左耳機好正，係咁要我聽下...

嗚...D 聲效入晒耳堅恐怖呀！！！嚇死寶寶了！

呢個時候同佢講咩都聽唔到架喇.....算！

當然我都試下帶住做運動，重訓走黎走去又大動作就唔岩用喇！

就試下靜態少少踩單車，隔音真係好勁，連 Gym 友走同我講 bye bye 都聽唔到

但我踩單車要達到 rpm90 以上所以都幾落力幾快，爆汗已經係家常便飯

踩緊耳仔已經 Feel 到好熱，踩完一除耳機耳仔同耳機都濕晒....

所以，個人覺得唔係好適合用黎做運動

做運動都係用番我上次介紹過的 VASA BLÅ 最好

文章回顧：// SUDIO // No Music No Gym ♫ VASA BLÅ 藍芽耳機 (含讀者優惠)...*

最後一如以往都送番讀者優惠先！

凡於Sudio官網（香港站）購買任何產品，輸入優惠代碼「CatHui」可享有 85 折，有需要就用啦 :)

P.S. : 從 sudiosweden.com 網站購買的產品均可享受 14 天無條件退貨政策

http://www.sudiosweden.com/hk/

https://www.facebook.com/Sudiosweden/

* 產品由品牌提供

就這樣