// 囍 // 3V Pre-wedding ❤ 1st 韓式內景...*

終於打到入正式拍攝 (拍手)

除左準備左一大堆道具之外，我仲學 wow 友整左本參考

搵左心水衫款、構圖、mood、化妝同髮型圖，同化妝師攝影師傾風格就更加容易

呢本野我次次都有帶上去，都唔知比幾多個人傳閱過，所以花少少時間都好值得架！

伸延閱讀：

// 囍 // Pre-wedding  淘寶道具篇...*

// 囍 // Pre-wedding ❤ 淘寶愛寵一同拍婚照！GO！

// 囍 // Pre-wedding ❤ 淘寶婚鞋、飾物篇...*

早一二日仲要好似貴婦咁去整甲同埋去 Salon 染頭髮，坐到 patpat 都痛

真心唔係貴婦料子XD

上去個日天氣已經麻麻地，點知訓左晚 check out 仲落起勁大雨....

拖住 2 個喼又落雨都唔方便去太遠食早餐

就去左 3V 對面間 7 仔是但食 D 野，咁早起身天氣又差都冇咩心機食 : (

去到 3V 都有幾對新人到左，大家都唔知仲可唔可以外影一臉迷茫

經溝通之後，3V工作人員打埋電話去小北海道都係好大雨，睇個勢應該有排落

本身 3V 安排我地改期，一改就改到 2 個月後

但我聽到有其他新人揀影左內景先，咁我問過朋友意見都決定影

反正都整左頭同整左甲又上左黎就唔好浪費，影左一個景點先下次又唔洗咁辛苦

3V 係冇得揀化妝師同攝影師，都係隨機安排

化妝師：小雨老師

攝影師：邁克

小雨老師化得好仔細，妝髮都用左約 2 個鐘

期間男友跟助手去揀衫換衫，每換完套都走出黎問我意見 

其實我真係唔係好習慣呢個髮型，一開始擔心唔好睇唔襯自己，不過都決定相信專業

好在最後影出黎都唔錯呀！

韓式內景一共有 4 個背景，我交左相機比化妝師幫忙影幾張花絮，但原來入面係好黑

呢張係唯一一張夾到閃光燈影到，有留意 3V 的朋友對呢個景應該唔陌生啦XDDD

入面雖然好黑，但開左閃光就唔同晒架喇！

攝影師邁克同助手指導十分好，就算唔識擺 pose 都唔洗驚呀

仲影左 meme 濛濛好開心

呢張唔係電腦效果，係邁克即場用多重曝光去影，因為影完有少少時間我主動去睇 mon 已經見到呢張相，真係好鐘意，好在最後揀相都有得揀

灰色背景係另一個 check point，簡單耐看又韓，我都幾鐘意

因為我有個韓式九宮格相架，呢個背景 d 相好適合，所以都多單人怪鬼照方便之後排版用

見到男友影單人好唔自然好可愛XDDD

又一証明有道具張相真係豐富好多，擺起 POSE 黎都冇咁生硬

灰色背景對面就係花花樹，所以我地影灰色背景時其實對面都有人影緊架XDD

呢個位唔大所以都係坐下企下咁，唔係好大分別，不過影出黎都幾靚喎！

唔好睇我坐得好似好舒服好穩陣，其實搖搖欲墜好驚跌XDDD

花花樹隔離就係夜景燈背景喇！

又係即場唔覺有咩特別，影出黎就好好 Feel

哈哈笑結婚公仔出場

呢個背景 D 相都好浪漫呀！

韓式內景全部相都比想像中好，好在決定影左先，如果全日影應該會攰到笑唔出

幾對新人我地係最後先出黎，邁克真係好落力係咁影影影

最後甩頭甩髻先叫小雨老師幫手影合照

以為呢篇冇咩相字多，最後又打左一大篇 (哈哈)

P.S, : 如果大家睇完就已經想 Join 3V 不妨留言 / 專頁 inbox / pm 問我拎定資料搵我做介紹人，爬文睇到之前就雙方都有本 7" 相簿，但而家係咩優惠我已經唔太清楚喇！到時大家可能要問下，真心想 join 就記得拎定介紹人資料實有 jetso！

就這樣