因為影相當日要好早集合，唔想太頻撲同埋可以訓耐 D 都建議大家請多日假住一晚
重申多次，因為天氣關係分左 3 次去 3V 先影得晒成輯相，所以酒店都住左 3 晚
之前爬文唔算多人講呢 D，但都搵到有 WOW 友介紹，我先有頭緒應該 BOOK 邊間，希望我的分享都可以幫到大家啦！
我分別住左 2 間酒店，先介紹第一間 --- 7天連鎖酒店
唔搵都唔知原來 7 天全國都好多分店，3V 附近都有幾間，小心唔好搞錯
而我就揀左應該係最近的 7 天連鎖酒店深圳國貿彭年廣場店
其實最近一定係 3V 對面的羅湖大酒店，但價錢都要 4xx人仔/晚我地都覺得貴左少少
我 book 呢間其實都唔算遠，3V 行 3-4 分鐘就到架喇
經 Agoda book，7/2016 個價係 RMB229/晚，比羅湖大酒店平一半
地址：羅湖區東門南路 3005 號寸金大厦 10-12/F
去完 3V 揀衫就拖住個喼去 CHECK IN
只有10/F-12/F先係 7 天，要特別講部電梯真係慢到一個點！出出入入人又多！
一出走廊都唔錯，感覺幾乾淨
房同網上圖片唔算爭太遠，住一晚 OK，開喼完全冇問題
床都好大張，瘋狂轉身都唔影響另一半XD
床對住係電視同書檯 (?) 電視一開始睇唔到，Call 客服好快就搞掂左
隔離有堆要比錢的飲同食，但唔凍邊好飲架？
仲有牙膏牙刷提供，酒店水煲真係唔太敢用XDD
廁所都企理，係沖涼去水位唔 OK，好慢 D 水成日湧出去企缸出面，最憎搞到廁所濕晒
本身一切都 OK，簡簡單單住一晚冇問題
不過耐左之後成日覺得廁所會有陣坑渠味間唔中就飄出黎
男友話唔覺，但我就幾介意，所以第 2 次我轉左朋友介紹的維也納酒店
位置一樣係寸金大厦 16-22/F 唔洗周圍搵，呢間貴過 7 天貴少少，lobby 都比 7 天靚好多
本身經 booking.com book 左 9/2016 個價係 RMB308/晚
Check in 個時話比少少錢做會員又唔知點樣計就可以約 RMB280/晚，計過比埋會費都比本身Book 平，就取消左 booking.com 直接 book
係一般舊式酒店設計，床冇 7 天咁大張，但我覺得舒服過 7 天
感覺都唔錯幾舒服，整體都好過 7 天，朋友冇介紹過
空間都好大，開幾個喼都冇問題
都有牙刷牙膏提供
所有野都正正常常，又係沖涼去水問題，佢仲慢過 7 天，D 水湧得仲勁，好在就住沖冇湧出廳咋！除左呢點都好滿意，而且訓得幾好，所以第 3 次都直接 BOOK 呢間
第 3 次懶冇影相，房型完全唔同但大致都差唔多，都舒服
朋友仲教我地沖涼前拎起個渠蓋 D 水就去得順 D，唔知係唔係唔同房又覺得去水真係好好多
比貴少少我都會建議大家揀維也納酒店，如果可以再比多 D 就直接 BOOK 羅湖大酒店啦！
不過咁喎平左成百蚊可以食餐好XDDDD
P.S, : 如果大家睇完就已經想 Join 3V 不妨留言 / 專頁 inbox / pm 問我拎定資料搵我做介紹人，爬文睇到之前就雙方都有本 7" 相簿，但而家係咩優惠我已經唔太清楚喇！到時大家可能要問下，真心想 join 就記得拎定介紹人資料實有 jetso！
就這樣
沒有留言:
張貼留言