新婚生活日日都好忙好忙，收工番到屋企永遠都周屋走，轉下眼又 12 點要準備訓覺
唔好講話運動，我真係連護膚都懶左好多！
而呢套 OLAY 微磁導入緊緻面膜套裝 真係令我懶上加懶 (爆)
面膜有分兩種
藍色保濕，我呢D年紀一定係緊緻抗皺緊要 D 啦！
成套正價 HK$289 基本上即係買罐面膜就送呢部微磁導入儀
因為新推出而家仲有折扣優惠,只要去 Olay Facebook 登記攞 coupon code，去萬寧 / 屈臣氏可以減 HK$50，優惠期去到 12 月 23 日咋！
導入儀原理是......
澳洲專利科技，以上百道工序打造全新微磁導入儀，內含過 1000 組磁體，釋放出天然微磁波力量，再配合漣漪狀反射弧形設計，增強微磁波作用，將微米級面膜精華推進 10 層肌底
體積小巧，人體力學握位，僅重 40G，出 Trip 都易攜
導入儀唔需要入電，因為沒電流孕婦都適用的
但請自行睇清楚面膜成分是否適合自已
有導入儀都需要有最適合佢的產品先有用
一定有人問導入儀可唔可以導入其他產品，答案係可以的
但一套賣比你都唔係無原因，呢罐面膜擁有獨特專製的精華活性成分 (Penta Peptide 五肽) 只有微米級大小，本身已經有高滲透力，若果再配合導入儀就更加吸收，因此導入的產品都要細心挑選才有效果啊！
Penta Peptide 五肽的主要功能是刺激膠原蛋白增生，緊緻肌膚，與其他保濕成分互相辅佐，可以加速皮膚緊緻拉提效果
成分還有 Niacinamide = 維他命 B3、MICA = 礦物雲母、sodium peg-7 olive oil carboxylate = 橄欖油萃取等等
質地好 Q 彈，Gel Cream，易推易吸收
使用方法：潔面後噴少少花水，之後取適量塗抹於臉部均匀推開並輕輕按摩至吸收
建議配合 OLAY 微磁導入儀按摩 1 至 2 分鐘，幫助促進滲透吸收，無須用水清洗
根據肌膚需要每週使用 3 - 4 次
先搽勻全面，記得要照顧埋條頸呀！
面我會由內向外提拉，雙下巴位都係下向上方向提拉，再由耳仔帶落到鎖骨排毒
鼻翼位置會打圈圈按摩，總之都係向上推，先可以做到緊緻提拉效果
按摩力度唔需要好大，按完全面都唔會泛紅，個面膜質地真係幾好推，完全唔會拉扯皮膚
用後皮膚好飽滿水潤，攰起上黎我按完就即訓，完全無再搽其他 Skin care
雖然主打緊緻抗皺，但我覺得保濕效果都唔錯呀！
* before 我係洗完面噴下幾下花水先 test 的
最近天氣涼涼地，單用面膜都 OK
請忽略我早起的腫口腫面樣，可以見到鼻翼有少少泛油之外都無咩野
而皮膚仍然 Feel 到飽滿水潤感，水分都可以 keep 到好似噴左花水咁高！
最後提一提大家導入儀要遠離強磁場及磁敏感材料/設備，避免影響機內 1000 組磁體
仲有！搵埋微磁導入面膜套裝限時 HK$50 現金券傳送門比大家：https://goo.gl/k7LxEs
*產品由品牌提供
就這樣
沒有留言:
張貼留言