2020年11月27日 星期五

// Gaston Luga // 最近新寵 ❤ 屬於秋冬色的 Pärlan 背囊...*


最近天氣已經進入秋冬節奏,屬於秋冬嘅顏色一定非大地色莫屬 
今次介紹的新寵包包絕對係秋冬嘅顏色 !
登凳燈鄧......就係 Gaston Luga 的 Pärlan 背囊



Pärlan 背囊 一共有四個色,紅色都好吸晴,完全係聖誕節感覺 

但最後都係揀暖暖的沙漠色陪我同步過冬 (一起冀待晴空雙肩不怎麼重) 
出賣年齡,其實有無人識呢首歌 ? XD



疫情下大家應該都養成一個習慣就係出完街會清潔消毒隨身物,
而 Pärlan 係由輕盈防潑水的尼龍物料製成,清潔起嚟都易好多㗎 !


設計主要以舒適同安全並重,背部有一個隱蔽內格,可以放貴重物品
我試過勉強都可以放到一部 5.5 吋手機


好有質感的金色鐵牌


幾鐘意呢種方式嘅可調節肩帶,復古味濃


唔好睇佢細細個,真係裝到好多嘢


內裏另有間隔可以容納到 A5 尺寸文件



本身個袋都好輕身,僅 0.6kg,所以裝埋嘢都好輕便


呢個款其實好百搭,斯文又得,casual 又 OK !


好似我咁天氣有少少涼著件長身西裝外套都襯到


又或者純色長 Tee 加 legging 又得
喂 !
 #見字飲水 呀 !


最普通 Tee 加短褲都完全無問題


呢個色襯牛仔布都好好睇,所以我都拎左牛仔外套去搭配


揹住 Pärlan 帶同色系(嗯?)小狗出遊遠離煩囂睇下日落都好輕便


希望大家都有一個 Happy Friday :)

最後當然要送上讀者優惠啦 ! 

於結帳時輸入折扣碼:wincat 連同黑色星期五的優惠,立即可享高至 7 折優惠
最後一日喇 !  好好把握機會喔 !  


全球免運,免費退換

#anywherewithGL
 #GastonLuga

* 產品由品牌提供


就這樣

2020年10月7日 星期三

// natnat // 少女心大發 ❤ 香港品牌天然粉紅椰子水...*


本人係極度喜歡飲椰子水,去泰國飲椰青基本上係每日必做的事!
除左好味之外,椰子水仲有消暑、生津、利尿、清熱及滋潤等功效
教我如何可以不愛它呢?




而最近就認識左一個椰子專家團隊創立的香港品牌 --- 「natnat」
推出天然粉紅椰子水,仲係亞洲首個 100%天然粉紅椰子水品牌添!

1 包 $28 
 6包 $158 
 12 包 $300



大家一定好想知點解 natnat 椰子水會係粉紅色

粉紅色是自然化學反應,當含有高水平酶和多酚化合物的椰子水暴露於光和空氣中,便會變成粉紅色,係來自大自然的天然抗氧化劑。

只有純天然的椰子水及仍保存其抗氧化劑的椰子水先會變成粉紅色啊!

為左令椰子水受到最少的影響,會避免對包裝進行粘貼處理,以保留當中的活性酶,同時保留椰子水營養成分,以及新鮮剝殼椰子的清爽和堅果味道。




每盒 330 毫升100%純天然無添加椰子水,
內含抗氧化劑和多種營養素,包括維生素 C、鎂和鉀等。

品牌除左關注大家健康,對環境保護都有顧及,
採用可生物降解的甘蔗環保包裝代替塑料包裝設計,積極減低對環境影響
當然我仲會乾淨回收紙包盒啦!

記得以下回收紙包盒3步曲:

第1步剪開 + 攤開 
第2步移除膠蓋 
第3步清洗 + 晾乾  

做多一步膠蓋 & 飲管 拎埋去塑膠回收更好!



明知係粉紅色但倒出黎個下我都有少少驚喜:「嘩!好靚!」



即刻少女心出晒黎!
味道同一般椰子水一樣好味,清甜解渴
絕對係運動、野餐、BBQ、打邊爐、派對、海灘暢游等活動的消暑解渴之選



 仲有呢包 natnat 有機椰子花蜜糖
$40/ 50克 (普通啡袋包裝) 
 $139.8/ 900 克 (如圖包裝)



成分:100%純有機椰子花糖
有機種植椰子花蜜經人手由椰子花蕾遂滴採集得來
花蜜經文火焙乾成為椰子花糖,再經不斷的研磨篩選做成非常幼細入口即溶的糖



椰子花糖被視為超級食物,比其他市面上的糖 / 化學甜味劑健康
含有鉀,鎂,鋅,鐵和 B 族維生素。其升糖指數只有 35,低於市場上其他甜味劑



可代替普通白糖用來煮食,沖咖啡奶茶都得
我仲打算有時間試下用佢同椰子油整 Bagel



而最簡單食用方法就係直接加入冷 / 熱水變成椰子花蜜飲
甜甜地有陣焦糖香味,都幾好飲!


最後介紹埋 natnat 有機初榨離心萃取椰子油

100ml  x 1  瓶 $56 
100ml x 3 瓶 $150 
 300ml x 1 瓶 $136


從新鮮的椰子肉榨出新鮮的椰子奶,再從新鮮的椰子奶利用物理離心原理把椰子油萃取出來,跟一般需要用高溫加熱把椰子肉烘乾後才冷榨不同。

三重離心萃取技術保證椰子油不受加熱所污染,更加純淨


- 具有天然溫和的椰子味,沒有受發酵或是高溫處理後所產生的濃味

 - 如水般不帶油膩的質感  - 因清淡的清香只能選取最新鮮的椰子  

- 過氧化物接近零  

-保存椰子油的天然抗氧化物  - 真正的原始和未精煉的油

 - 56%月桂酸和60%天然中鏈脂肪酸  適合濕疹性皮膚使用



椰子油近年都好廣泛,勁多用途
但我一直只聞樓梯響無用過,一開即刻試下當 Body oil 搽
都好易推又吸收,滋潤得黎唔會油淋淋

而且椰子油煙點很高,都好適合高溫烹飪
我就會同有機椰子花蜜糖一齊試下整 Bagel,唔知成品會唔會有椰香味呢?

產品資料 & 商店連結 :  

* 產品由品牌提供


就這樣

2020年9月29日 星期二

// sudio // 藍牙耳機最佳拍檔 ❤ 多功能「藍牙轉接器」登場...*





sudio 又推出一款藍牙耳機 --- Elva ,今次竟然係有耳機線款
唔通知道我成日都會唔見一邊?!
雖然一粒粒真係好輕便,但有時同人講野入耳式唔係聽得好清楚都要除低
之後周圍擺,擺擺下就唔見左
你唔搵佢,終有一日佢就會出現番XD


之前都試過 sudio 有耳機線的藍牙耳機,咁呢款有咩咁特別呢?
大家見唔見到中間個個黑色盒仔?


其實佢就係「藍牙轉接器」可插入任何音頻插孔
無藍芽功能唔緊要,只要有音頻插孔都可以駁藍牙耳機用! 好貼心的設計


Elva 提供主動降噪,有效降低附近環境雜音,減少背景音的影響
在任何環境下都能享受音樂並提升通話質素





重點藍牙轉接器出場!
仲要貼心到出雙頭,搭飛機唔再需要問空服拎耳機用
疫情之下大家都關注衛生,可以用私家野都安心好多
而且睇戲都唔會有耳機線陀手掕腳添!

不過幾時先可以帶埋佢去旅行啊? T.T



未有得去旅行屋企一樣用得
老公日日都打機嘈住晒可以插去手制駁耳機自己靜靜地打機
真係成個世界清靜晒呀!




又可以駁收音機自私聽


打機唔再係男人專利,我都成日玩 Just Dance 同 Ring Fit
玩呢 D 一定要大大聲先正,特別係跳舞
有左藍牙轉接器唔會再嘈住屋企人,只係人地睇我會好似傻仔咁郁身郁勢XD


備有不同尺寸耳塞供大家轉用


耳機本身配有 USB type-C 充電頭,可直接與筆電 / 尿袋連接
唔記得帶充電線都唔洗驚




有磁貼功能,仲可以自由調較位置



Elva 使用的特殊線材設計除了讓耳機線不打結、並能穩固舒適地環繞頸部



 可長達 13 小時音播放 (ANC模式下可供10小時使用)
備有黑白兩色,個人鐘意黑色,易襯衫又型



而家單筆訂單購買耳機/揚聲器,仲會送黑色質感卡夾一個


雙面設計,可以放到好多張卡,用細袋仔岩晒


我試過放卡入去都好穩陣唔會好鬆成張卡飛出黎

最後送上讀者優惠折扣代碼 (全館商品85折):CatHui85  
全球免運、一年保固、購買日起 14 天內無條件退貨  

 Sudio 香港官網:https://www.sudio.com/hk/

* 產品由品牌提供



就這樣