咁 Pre-wedding 去邊影好呢？台灣？韓國？
有癩痢邊個想做頭髮，有錢有假就緊係去外國影順便旅行啦！(可惜我地 2 樣都無...)
而我只有一個要求就是一定要影沙灘個 D 懶開心拎住氫氣球的玩水相XDDD
大家都知道結婚好似倒水，真係慳得一蚊得一蚊，同埋心知婚照最多睇 6 個月呢個道理
早幾年已經知有 3V 呢間婚攝公司，好多香港新人都影過，我上 FB 睇過相都幾好，有好多場景風格可以揀，身邊都有朋友仔影過效果都唔錯，所以 Pre-wedding 一早決定 3V 影，最開心應該係男友吧？！因為又平又近，而我都省卻左好多格價又唔知搵邊間影的煩惱 (太好了我最怕煩！)
3V 位於深圳，如果要落訂就要親身上去，同客服 Vicky WS 左一段時間之後，又咁岩有婚展會擺 booth 就可以直接去婚展落大訂同傾埋少少細節，事前要先銀行過數落 500 蚊訂 hold 位
出左新場景有 d 我都幾鐘意，本身打算 join 呢個！
最後我地決定要專車 (即唔夾車出，可以避免好多等人時間) 所以轉另一個 plan
專車 Plan 係貴好多，但經歷過之後覺得值的，我有朋友就係夾車成日要呆等浪費好多時間
價錢：RMB 8999
拍攝地點：北海道、安蒂拉城堡同韓式影樓
服裝：女 5 套 5 造型 & 男 3 套 3 造型
* 北海道、安蒂拉城堡需付入場費，共 RMB560
包括有：
- 180 張相 (全修)
- 36 吋油畫
- 20 吋、14 吋相薄 ：相薄係韓式封面，婚展見過實物唔錯的，個人唔太喜歡用相整的封面
- 12 吋擺檯水晶：已忘了是什麼
- 60 吋簽名布
- 韓式九宮格相架：同樣婚展見過實物，好似係木材質邊的 (唔 Sure)
- 摩天輪相架
- 施華洛：已忘了是什麼，是相架嗎？
之前有朋友仔影過係夾車出發的，佢同我講化妝師都唔係 1 vs 1，甚至出外景化妝師唔會跟住，只會 stay 係化妝間等，咁出晒汗邊個補妝？而我呢個 Plan 化妝師會貼身跟住，因為我塊面好易出汗，如果冇人補妝我都唔知點算XDDD 所以想 join 的朋友要問清楚
之前都講過啦！我唯一要求係影沙灘，而影沙灘要配合好天氣就多數係熱到顛的 5-7 月，最後決定拍攝日期係13/7，下篇會講第一次 PW 過程，點解會講第一次？睇落去就知道了:P
P.S, : 如果大家睇完就已經想 Join 3V 不妨留言 / 專頁 inbox / pm 問我拎定資料搵我做介紹人，爬文睇到之前就雙方都有本 7" 相簿，但而家係咩優惠我已經唔太清楚喇！到時大家可能要問下，真心想 join 就記得拎定介紹人資料實有 jetso，本人就係唔記得左拎，蝕晒啦XD
就這樣
沒有留言:
張貼留言