// 囍 // 序：決定結婚...❤

我諗大部分女仔都幻想過幾時結婚架喇！
我好細個都想 25、6 歲時結婚，30歲前生 BB 咁就 prefect 池

但大大下反而覺得做人老婆新抱其實好唔簡單，並唔係王子公主永遠幸福快樂生活就算數 (♫你哭著對我說 童話裡都是騙人的♫)，所以漸漸傾向想做多陣我阿媽個女，不過近年見到身邊同年齡甚至細過自己都開始步入婚姻，又會諗其實係咪都要咁做呢？所以都有間唔中同另一半提過下，不過其實我都唔知佢呢方面係諗咩 (真係好難捉摸.jpg)

又睇到好多文章都話唔需要因為年齡而去結婚，我係好同意的如果唔打算有下一代，對於未知生唔生又已經到左 30 歲，拖多幾年想生又話高齡...雖然已經同另一半講出心中顧慮，但仍然都冇任何行動，而每次朋友問都係答下年XD 直到今年 3 月終於有大突破...

當我知道 2017 係好年雙春兼潤月就覺得係時候了！！所以好快同雙方家長講聲，第一步就緊係搵男友媽媽幫手擇個好日子先。而我一直希望先求婚後計劃就咁泡湯，令我明白到現實往往同幻想總係有少少出入lol 如果仲等佢求左先搞相信趕唔到 2017，我男人係永遠唔會明白酒席係幾咁搶手呢回事...相信唔少 B2B 都係 Plan 左先補求婚吧？(揮手跪求同伴XD)

等了又等的好日子終於有了！透過八字原來都睇到唔少特別野，詳情在此唔打算透露，總之信則有不信則無，分別擇左幾日夾我地的吉日方便我地搵酒樓，最後好好彩心儀的酒樓幾日都有檔期，酒席再另一篇詳談啦 : )

總之，唔係得個諗終於要實行喇！ (緊張)