// 囍 // 為 Pre-wedding 預早買對戒...*

影 Pre-wedding 除左準備道具之外，我覺得戒指都唔少得！

但婚未求就唯有向對戒埋手

之前預算大概 3-4 千蚊對就算 (Well！再一次現實同幻想係有出入lol)

又聽講鉑金戒指比一般堅固，喻意婚姻長久、堅固之類

但我地由街頭行到街尾入左好幾間珠寶店所見的鉑金對戒個款都麻麻地...同埋貴

最後都係揀番自己鐘意就算喇！

我鐘意有石有設計，有一粒個 d 就覺得單調左少少 

之前上網睇過都幾鐘意以下呢款 ↓

已忘記係邊間連鎖珠寶店...

本身有一對都幾合心水，仲只係 4000 蚊預算之內，戒指款一樣，男戒都有石

但男友帶上之後有石好似怪怪地，而且重點得一對現貨先係呢個價

我地都覺得比人試過晒好似真係唔係咁好

兜兜轉轉都係去番周生生

其實一早係周生生睇到心水款，店員好好人比埋 vip 9 折加埋都要 6 千幾一對所以都係停一停諗一諗先，之後諗番早前去婚展見到 6 千蚊對都算平

最後行晒都冇收獲男友就話不如真係買個對啦！難得鐘意嘛！

真係要多謝老公先 =3=

同我網上見到的心水差唔多款

行左咁多間都係覺得周生生 D 款比較新潮

等我做代表帶住影比大家睇下上手圖

因為本人手指比較幼，要 8 號先岩，本身都要問工場特登開機做一隻要唔要加開機費

最後好好彩 Free 

每次影 PW 帶起直到而家都覺得好靚好鐘意呀！

每隻都包埋免費刻字

入面 D 字係男友自己去落訂時同店員諗好再問我意見，都唔錯

就係咁對戒又搞掂喇 : )

就這樣