暗瘡肌日常生活備忘錄...*

上一篇真係好多謝大家支持
打鐵趁熱...不如分享下作為暗瘡肌日常生活要注意的事項吧!

本來上篇預告係出美白去印...不過都係打一打尖先!!
因為日常生活中有好多細節都有好大幫助抗痘的

以下方法有D係基本野...有D係我喜好...亦有D人網上找到的...
都係o個句...各人體質唔同...我work唔=等如你都work...
所以參考下就好了!!

不管用什麼方法, 找到o岩自己的就OK啦, right ?

而美白去印下篇下篇...有拖無欠 :)

我由一大早起身講起啦

起身刷好牙第一時間啪一包膠原蛋白, 我覺得吸收最好係呢個時候...
另外, 加多一粒維他命C...
因為o係合成膠原蛋白過程係好需要維他命C, 
如果想令膠原蛋白發揮得更好就要補充適量的維他命C喇!!

其實唔一定要食膠原蛋白先可以食維他命C架~
維他命C功效可以參考下下面條Link

http://hk.knowledge.yahoo.com/question/question?qid=7007042003377

同埋要飲一至兩杯暖水, 好重要架, 可以清下腸胃/排毒~

之後就用棉配合潔膚水/ 卸妝水抹面...
(其實可以用洗面膏洗面o既...不過呢個方便d)
主要因為塵蟎!!!!

塵蟎是甚麼？

[ yahoo知識 http://hk.knowledge.yahoo.com/question/question?qid=7010090200941]

塵蟎是一種肉眼看不到的八足蜘蛛科小生物，牠們以人類或動物的皮屑作食糧，
在生的時候，對人類並沒有影響，因為牠們會以爪依附著人體皮膚表面上，
並沒有在空間中飄浮。可是，影響人類最深的卻是牠們的屍體和所排出的糞便，
當牠們死去後，由於重量極輕，因此會飄浮在空間中。
牠們的屍體和糞便含有高蛋白質的酵素，一些患有過敏症的人接觸到或吸入牠們時，
會產生過敏反應，最常見的是鼻敏感、皮膚敏感(濕疹)和氣管敏感(哮喘)，
因此，塵蟎被稱為過敏症的致敏原或過敏原。

床褥、枕頭、地氈、布藝傢俬等布藝品是塵蟎蘊藏之處，
塵蟎在床褥的數量往往最少以百萬計作單位。
而每一克的塵埃中便含有18000隻塵蟎。塵蟎每天可排出4個糞粒，
塵蟎壽命大概只有兩個月，雌蟎一生能產200至300隻卵，繁殖力強。
潮濕的環境最適合塵蟎滋生，牠們在相對濕度百分之六十的環境下最為活躍。

所以你知點解啦

我以前懶好多時都skip左呢part又或者噴下就算....
其實化妝水係好重要的一環, 而且一定要配合棉使用...好處是可以去除角質死皮, 同時保濕, 令之後的護膚品更吸收!!!

搽好晒護膚品就一定千萬要用防晒...
可以抗衰老/抗班/令痘痘印唔會加深...
如果有傷口一接觸到紫外線就會留印架喇~

以上就係我家中存貨...
平常出街我都會用SPF 40以上的...
較低SPF我會用o係室內同身體...

'

以前我從來唔補妝...亦都唔識...只會印下面油...
因為覺得補妝會令到個妝一撻撻/好厚...
特別係面上有好多粒粒冒起o既時候...
不過而家膚質好左...冇凹凸不平先知道補妝都可以好靚仲好正XD
而且我睇過有文章講補妝係對皮膚好d...

我o既方法好簡單...好快已經OK...

1. 先用先用紙巾印走面油...可以用4包住紙巾去印...記得係印唔係抹...
(以前做完呢個STEP已經完, 都覺得唔舒服...好想落晒佢!!)

2. 噴玫瑰水, 之後再用紙巾印走多餘水份...
唔好比佢自己乾...咁樣會仲乾架...

3. 有需要的話上遮瑕, 上篇好多人問我用咩底妝...哈!
我用o既遮瑕係canmake...平靚正!
但最緊要係o岩色!!!

4. 我好鍾意用 2 way sample...因為慳位XD
而且我一定用掃上...貼D簿D...仲超耐用...
一個細細Sample我可以用好耐!(只用來補妝)
送o既色號多數係普遍o既色...
而且我唔會掃好厚...所以都ok~

咁就補完個底妝架喇!!!!

D卜用完一次就要洗...
掃就一星期至少洗一次呀...因為好多菌架!!!

回到家第一時間係落妝...
如果當日有用睫毛液我會用左手邊...
其實係我阿媽o既..我成日偷偷用XD
我地已經用左好多好多支喇....

如果只有底妝我就會用Curel cleansing Gel...
男友去日本幫我買的...平過香港好多...好似HK $8x
o個時香港都未有呢個brand...

我點樣認識Curel, 就係因為西喜喇~
睇左佢5年...好多野都係佢燒我的!!!
就係呢篇我令認識 Curel~
http://www.wretch.cc/blog/tpaobj/6344916
呢支已經係第2枝...我覺得好溫和, 洗完唔乾, 仲可以唔需要洗多次面~

用油的話我一定要洗多次...最近在用上面的!!!
左邊係Cleansing Gel...唔起泡...
勝在溫和...大支...同埋平...我都係豪用的!!

中間新開o既...用起泡網可以打到好多好密o既泡泡...洗面好舒服...
不過用後有dd乾...我o係北上小屈特價9.9入手的...好抵用!!
下次會試下美白o個隻...

右邊係etude house 去痘line sample...
o係龍城pat pat痕買的...諗住好用就叫朋友去韓國買....
點知就咁用超乾...

所以我要使出必殺技....蒟蒻棉!!!
有左佢配合一齊用...真係唔乾喎~出過文介紹 ↓↓

團購回來好好用的蒟蒻潔膚棉...*

http://www.theztyle.com/blog/space.php?uid=13602&do=blog&id=84818

洗完面我唔會即刻搽野...會等30-45分鐘...
等D皮膚自動調節番D水油...唔會令皮膚太過依賴護膚品...
(即係有D人會一洗完面就好乾唔搽野唔得咁...)
呢個我睇書教的~

有時洗完面...特別係痘痘嚴重o既時候...
會好紅...一撻撻咁...仲會熱熱地...
我會用蘆薈GEL黎舒緩...一邊沖涼一邊敷...好舒服~
沖完涼就唔紅架喇~
唔一定要用我呢支...只要係蘆薈GEL都OK~
真係看門口必備呀!!!!
[蘆薈敏感另計]

一星期會做1-2次DEEP CLEAN/ PEELING/ 去角質/ 磨砂...

其實去印最大的一個關鍵都係在於皮膚面層乾唔乾淨...

如果積聚太多角質/污糟野...

就算比你用好名貴的護膚品都冇用...

就好似有層膠隔住晒咁...BLOCK晒..吸引唔到!!!

上面係我用家中擁有的差不多類型產品...

我會睇心情...睇膚況決定用邊一個~

有D出過文介紹...有興趣就睇下啦~

又白又「滑」的Peeling Milk...*

http://www.theztyle.com/blog/space.php?uid=13602&do=blog&id=85432

另一個重點係...我唔會停留超過15秒...一到差不多我就會洗左佢!!!

避免摩擦過度...痘痘肌好脆弱的~~~~~

而有D係可以skip左洗面o個part...避免清潔過度啦~

包括: hello kitty同carezone

ST 'IVES我覺得有少少粗...我都好輕力用...

有時會用埋o係身...用完會即時feel到好滑...真係又平又有效!

每晚我都會敷mask...
都係睇心惰同膚況去揀...最近愛上gel mask...
因為涼浸浸好舒服...而且功效比paper mask好!!!
寶藝孖寶已經用晒...得番Swiss 3咋...

而上面的其實都係星期用一次可以了...
都算係DEEP CLEAN / 去角質類別...

我的第一件Kiehl's【亞瑪遜白泥毛孔清潔面膜】試用報告...*

http://www.theztyle.com/blog/space.php?uid=13602&do=blog&id=68733

優閒星期六的DIY Mask...*http://www.theztyle.com/blog/space.php?uid=13602&do=blog&id=45811

實評寶藝孖寶 ● 酵素冷膜 ● 保濕冷敷劑...*http://www.theztyle.com/blog/space.php?uid=13602&do=blog&id=90568

唔用gel mask就會敷paper mask...
其實存貨唔止咁少...
呢隻係水魚推介的...真係唔錯!!!

搽好野...啪膠原...刷牙...搞掂好晒就要訓喇!!!!
呢1年起...我都用毛巾墊住黎訓...每2日就換乾淨o既~
(其實換枕頭套都得...不過我冇好多枕頭套替換)
因為睇書教痘痘肌最好咁做...可以減少出粒粒...
試左之後又真係出少左啊...

另外, 仲要飲多d水呀....
大概一日飲1.5公升...
不過有時飲水飲到悶悶地...我都好喜歡飲茶...
特別係綠茶...綠茶有咩效我都唔多講~
不過記住m到前後就唔好飲喇~
因為綠茶茶屬於寒涼性質，經期時飲用易令人感頭暈。

呢個係睇<<蘇 good>>學o既...
有一集有個助手講佢細細個好多暗瘡...成面都係!!!
之後佢日日飲苦丁荼就好番晒....
咁o岩我屋企有一大罐...就試下啦~

我通常o係覺得自己體內好毒/ 出粒粒時候飲...
其實我唔係長期飲...所以都係心理上覺得好多過身理上...
每次一支已經夠沖好多杯架喇!!!

好多人覺得苦...我就覺得係甘...
但係唔係人人都可以飲...寒底就唔好試喇...自己最好check清楚先啦!!!

一日大概就係咁....突然覺得自己好忙囉XD
不過真係要勤力同恆心先至會有成果架!!!!
我諗到的話, 先再加啦, 就這樣