我呢排真係好唔夠訓，明明有時可以早 D 訓但又唔捨得訓前個段私人時間
(er....其實有時咁夜係搞 / 諗結婚野)
朝朝行屍走肉時就同自己講今晚早 D 訓，到左夜晚又.... (你懂的！)
本身我個黑眼圈色素已經好勁，近排更加...
所以有美白功效的眼霜絕對係擁有千年黑眼圈的必需品！
今次就介紹番用左成個月的韓國代表 ABOUT ME 亮白淨化明采眼霜 (HK$250/20ml)
成分添加高抗氧維他命 C 檸檬成分，能阻截色素沉澱，預防色班並提亮眼周
ABOUT ME 係韓國三養集團旗下三養健能仕 (Samyang Genex) 的天然健康護膚品牌
唔？ Samyang 係咪即係韓國最出名的辣雞麵同一集團？
質地我覺得好似我用過的一隻防曬 (但忘了是那一枝lol)
易推但唔係屬於滋潤型，因為推開之後好快吸收又完全唔黏笠，我呢個年紀就略嫌滋潤度唔足夠喇！建議可以加多浸眼部精華，不過因為試用要睇效果我就無再加精華
另一特別之處係呢個冰感按摩頭，每次按摩下有效促進眼部血液循環，改善浮腫及黑眼圈
我會吱出一定份量之後平均放眼周先用按摩頭慢慢推開
呢個按摩頭一開始用冰感十足，但可惜只維持到數秒，好快就被我體溫 KO
我打算用完都 keep 住個頭放入雪柜備用，用佢黎按壓眼部穴位都好爽
用按摩頭碌完一陣我就用手指再壓眼部更多穴位，留意番眼部穴位唔止圖咁少架！
一來可以令到眼霜更吸引二來拯救下對黑眼圈，其實我一日唔早訓都可以話係垂死掙扎中...
朝早多數無時間無心情慢慢按，我就輕手打圈搽眼霜，會打 10-20 個圈左右
幾驚喜係呢支眼霜配合打圈搽有即時效果，眼圈會淡左少少同埋無咁腫
保濕效果屬於中間，都係個句建議搭眼部精華用！
用足一個月，夜訓足一個月，Well 我相信神仙都幫我唔到了 (暈)
睇唔到改善之餘個黑眼圈仲好似黑左OMG
真係睇到 D 相都想喊，打 Blog 好處係透過睇相同對比你知道自己發生緊咩事
其實我日日都訓到 7-8 小時，但無論訓幾多都好，只要係夜訓就GG
我發誓今晚打後一定一定要早 D 訓！
全線 Colourmix 卡萊美獨家發售
產品由 ♥ Colourmix Facebook 團隊 ♥ 提供
就這樣
沒有留言:
張貼留言