第一次到●大榮華● 嚐豬油撈飯...*

說來慚愧, 住左咁多年都未試過鼎鼎大名的大榮華...
一直好想試下, 不過兩個人真係食唔到好多...
好在今次有朋友仔生日終於有人提議喇 

地址 : 元朗安寧路2-6號2樓

以下係openrice食評, 參考看看好了~

http://www.openrice.com/restaurant/sr2.htm?shopid=6952

過左6點就冇得book位...我地一行六人打算食8:15pm...我同朋友仔就7點去拎飛喇~因為聽聞好多人的...等到差不多時間就上去...不過又唔見有人等喎
如果想食都建議早少少準備啦~

有一張點菜紙...平均都係$60-$65一個...
如果多人食share番都唔算太貴...因為都算大碟架~
而且佢有細size for2個人的...不過唔知幾錢...

頭盤小食...燒肉好食...不過海蜇乾身左少少...

五味雞...以為好特別!
點知只不過係豉油雞...某部分d雞肉仲有d鞋...

金銀蛋波菜...OK啦~

椒鹽九肚魚...都幾大碟...唔點調味料都好入味~

粟米魚肚羹...好大煲...
6個人分仲有好多...味道淡左少少~

我最期待的豬油撈飯...叫左3個SHARE試下好了~
真係幾香口...唔覺得好油膩...
但好肥!!唔好食太多~~

睇落好似好少野...其實好戲在後頭!!!!

呢度D甜點差不多檯檯都有叫...先黎水晶飽!!!!
有奶皇同芋蓉...超大個~
每味食一個都好飽了~~
兩個都唔會話太甜...我覺得奶皇好食D~

另一重點...奶皇馬拉糕!!!

熱辣辣真係超好味...好鬆軟~
因為食唔晒我打包左回家比阿媽食~凍左佢都話好味!!!!

因為有朋友仔生日所以我拎左D蠟燭黎~
變成一個好特別的生日蛋糕

最後仲有一人一碗麥米粥糖水...FULL到上心口啊~

生日快樂~My best friend