[屯門區] 離不開的泰國菜 @ 泰味軒...*

唔知大家最喜歡食咩國家o既菜呢 ?
中/ 法/ 泰/ 台/ 日/ 意/ 韓等等...

我可以好肯定同你講泰國菜一定係我至愛...日本菜都要排第2呀~
所以我成日試唔同地方o既泰國菜...
今次又試到一間唔錯o既...可以定期幫襯的~

搵到呢間係因為原先想去食小曼谷的...我有出過文架 ↓小曼谷泰國美食~*http://www.theztyle.com/blog/space.php?uid=13602&do=blog&id=31334

正因為小曼谷太出名...太多人去食...
好多時7點都未夠...門口已經聚集左成2-30人...真係好誇張!!!

咁多人都唔想等...所以試左附近呢間 "泰味軒"...
大大話話都食左3-4次喇 ~ 相儲夠可以分享下

地址 : 屯門彩華花園C座地下 

如果你有上openrice睇評分, 我諗你都知佢係多過的...
不過有時d野自己唔試過係唔知的...

第一次食的時候影的大合照...

鹹檸七...唔知有冇人喜歡飲o既呢 ? 我是超喜歡的 $18

每次必點的生蝦 $48 有10隻...

不過最好味其實係呢個囉~~酸酸辣辣的~~好開胃!!!

泰式鳳爪 $38呢個我聽d職員講係全店最辣的...的確好很辣....得個辣字...唔會再叫!

炸蝦餅 $38男友大人一定要點的...心知好熱氣...所以我次次都係食半舊...
好彈牙...唔錯!

到我必點菜式 木瓜沙律 $38我真係好鍾意好鍾意好鍾意好鍾意好鍾意食架~~~
不過唔係度度地方都整得好味...
小曼谷就係整得偏甜偏小....同埋配料好少的...
呢間就好對我口味喇~~~好大碟!!
仲有蝦o係裡面架~~好少食過有蝦的~

泰式炒通菜 $38又係夠大碟...味道剛剛好~~~~~
不過佢有d綠色辣椒隱藏左o係裡面...試過唔小心食到...high到飛天啊!!!
要小心食~

泰式辣肉碎炒河 $38男友好肉碎, 我好河粉~好味!!

泰式炒金邊粉好多地方o既泰式炒金邊粉都唔好食....呢間都係...
太甜...同埋我唔太喜歡個D花生碎....
泰式辣肉碎炒河可以取代左佢~

冬蔭功湯金邊粉好大碗啊...得我一個人食...太Full了~~
不過味道唔錯~~~~~~

仲影左其他比大家參考下~~~~

好喇~~終於打完收工!!!