大發 ★ 小資女也可擁有『HABA升級版二合一離子明眸美顏器』...*

「小資」是近年內地迅速興起的名詞, 就等於香港的「中產階級」或「優皮一族」
不過我標題所描述的並不是以上那種...

我意思係, 小資女 = 好少資金的女人XDDDDD
而我本人正是一名小資女 !!

今次有機會試『HABA升級版二合一離子明眸美顏器』, 真係開心到訓著都識笑

前排我就同Win Win一齊出席呢部機o既Event認識下呢位新朋友=3=
我地唔係夾定一齊去架! 係我白痴揀錯左時間...
我估連個天都想我地一齊囉XDDD

當收到呢盒野的時候...實在好感動!!!!
點解可以包裝到咁靚架?! 好有Heart呀~~~

包括有 :

[1] BLING BLING 心心 2GB USB...靚到唔捨得用!

[2] WHITE LADY SAMPLE : 以「維他命C誘導體」美白肌膚及淡化色斑，能促進骨膠原蛋白之再生，
從而緊緻毛孔和改善細紋及皺紋

[3] LIFT-UP SERUM SAMPLE : 有效刺激真皮層的膠原蛋白生成，使法令線、
眼部和嘴部等容易出現肌膚老化的部位重現緊緻和彈性，輪廓變得緊緻分明

[4] G-LOTION SAMPLE : 蘊含極豐富的礦物質及微量原素，提升肌膚本身的防禦能力，
並賦予肌膚活力，有效改善暗啞膚色，使肌膚滋潤剔透，更有效對抗遊離基的傷害，延緩肌膚老化。

[5] 12枚面膜紙一包

最後當然有主角『HABA升級版二合一離子明眸美顏器』(HK$2280)

市面上o既離子導出導入器大部份只有1個頭, 好難照顧到微細部位, 例如鼻翼、眼周、法令紋等

所以 HABA全新推出的升級版二合一離子明眸美顏器!!!!

配有2種不同離子碌碌, 分別可全面使用及作重點修護,亦可針對眼部肌膚及缺水紋等等...

好似電話咁叉電, 第一次要叉足1.5小時呀!!!

咁粒電先襟用架~

換頭好簡單, 只需用姆指輕輕打橫推, 就可以更換所需的離子碌碌配合不同需要

第一時間當然試下導出先啦~~~~~~要清潔左肌膚導入先更易嘛!!

Q : 其實離子導出清潔肌膚係咩原理呢 ?

日常肌膚的污垢主要來自彩妝內含的顏料及重金屬、皮脂分泌、老化角質、灰塵細菌等,
這些污垢通常帶有負離子, 積聚在毛孔中

二合一離子明眸美顏器釋放正離子, 運用異性相吸的原理,

猶如一顆大磁石, 吸走毛孔深處的污垢, 徹底清潔肌膚

導出3樣野就得架喇!!!!

HABA美顏器一部啦, G-LOTION啦同埋一塊面膜紙

HABA推出o既面膜紙比市面上有咩唔同呢...就係只需要用好少化妝水就可以沾濕整塊面膜紙, 慳!

● 以100%純棉製造

● 配合離子深層導入器使用能讓精華液易於滲透至肌膚底層

按離子導入器上的 ON/OFF 按鈕令顯示燈跳至 Cleansing, 按 Level 按鈕以調校強弱

另外, 使用期間機身會發出LED光加強美肌效果!!!!

離子潔膚時會發出藍光, 有助抑制皮脂分泌兼具殺菌功能, 治療暗瘡和暗粒

以 G-LOTION沾濕面膜紙至濕透, 再敷於面上

緊握離子美顏器左右兩旁的按鈕並按上圖示於面上滾動, 8分鐘全面後導出完成, 電源會自動關閉

再之後可以換頭重點碌眼周 / 鼻翼 / 咀邊, 3分鐘就導出完成

(唔好見我塊mask咁乾...一開始係好濕架! 其實我係差不多碌完先影, 因為一開始實在太手忙腳亂了...)

第一次用...唔係好識就力, 碌完有d紅, 不過好快就散 (大家輕力D就得架喇!!!!)
塊面一d都唔笠好爽...但清潔效果好似唔多覺喎!!!!
真係要長期keep住一星期用一次先知效果喇~

導出完, 就即刻去下一步!!!!!

導入啦啦啦 ~ ~ ~ ~ ~

Q. 離子護膚又係咩原理架 ?

美顏器會產生負離子, 利用同性相拒的原理, 把帶有負離子的精華反彈至肌膚深層,
精華的滲透度比用手塗高, 肌膚能完全吸收精華中的營養

將精華液均勻塗於面上, WHITE LADY全面, LIFT-UP SERUM塗眼周,

再同導出一樣用G-LOTION將面膜紙沾濕, 然後敷於面上

按ION機上的 ON/OFF按鈕令顯示燈跳至Refine, 按 Level 按鈕以調校強弱

離子護膚時會發出紅光, 刺激膠原蛋白增生，改善細紋、鬆弛

(講多次..我係碌到最後先影, D精華同G-LOTION都吸得7788架喇 !)

同導出一樣, 面8分鐘, 眼 / 細微位置 3分鐘就完成導入!!!!

每1分鐘都會有 "Bi" 一聲..要自己留心一下~

睇相除左冇咁紅外, 好似冇咩分別, 不過導入完肌膚好水, 鼻翼肌膚有變平滑, 而且完全唔笠, 爽但唔乾!

其實除左用HABA自家推出的產品外, 都可以用其他配合美顏器架!!!!

導出一星期一次就足夠
導入就一星期1-2次

最方便係可以直接用paper mask黎碌...不過一定要揀d水狀的mask呀!!!!!

敷mask前按需要先用NTP多功能修復酵素面膜粉清潔一下皮膚...

我多數會剪眼部分落黎敷鼻翼, 不過配合美顏機就記得放底易碌 d, 平時就咁敷係可以放面的...

但有個缺點...就係塊mask太水...成日流到我成手都係...都幾麻煩呀!

我部心心機壞左呀~~~數字大家參考一下就好了!!!!

8分鐘後就碌眼喇~~~~~~

效果唔錯呀~白左水潤左!
真係要比d恆心keep住用先得喇~~~~

碌完呢...個離子碌碌頭一定好多精華, HABA美顏器可以拆出黎沖水, 衛生好多

不過個主機唔防水架, 千萬唔好拎埋去洗白白呀!!!!

自家美容而家已經好普遍, 長遠黎講係值得投資架 (大前提係要有恆心呀!!!!!)
有興趣就去各大專門店睇下啦, 我見到都做緊好多優惠set呢~!!!

FACEBOOK : http://www.facebook.com/haba.hk
WEBSITE : http://www.haba.com.hk/

就這樣囉