又愛又恨的 ★ me! club x shu uemura Switch On 美肌教室...*

Shu uemura Workshop其實我已經中過2次...不過今次係第一次去!
因為第一次完全沒有任何通知之下突然有電話問我到未?!
當日仲要係我親愛的哥哥大喜之日, 最後冇去嚕!

多謝me! club 比呢次機會我

20人一班...咩人都可以參加, 唔一定要係blogger~
所以呢篇係我私心想出, 冇規定要出文架!

其實我對化妝班workshop真係又愛又恨架!!!!

愛就睇最後一幅相就知咩事xd

咁我講 "恨" !!!!

因為自己皮膚不好嘛...雖然比之前已經大有進步...(我有努力過架下~)
化妝班落妝是少不得的...

當身邊的美女個個都開始卸妝...
我睇到有d皮膚好到呢!!!! 真係好想問一句:你落左妝架喇 ?

當睇到鏡中自己個樣再望下其他人...我真係...想搵窿捐

見唔見到勁大o個副假毛? 我第一次見...好得意呀!!!!
檯中間就有一堆用黎落妝護膚的 shu uemura 產品~

首先隆重登場的是 --- 全新TSUYA光感新肌精華 !!!!
主打 : 7天 ‧ 白瓷般細滑、剔透、光澤

原來尋日先出架...即係我搶先試?!

年輕時皮膚狀態好, 細胞容易接收啟動自我再生訊息...
但年齡愈來愈大, 皮膚開始老化細胞接受訊息愈來愈弱...

TSUYA光感新肌精華採用的活細胞新肌複合物(rhamnose)

靈感源自長壽且生機逢勃的槐花(enju flower)

科研証實能有效持續刺激細胞接收新肌因子的能力,

重新Switch-on(啟動)接收力逐漸「中斷」的細胞, 令肌膚從基層逐層更生,

形成富彈性、充滿光澤及膠原蛋白的肌膚!

Cat 用後感 : 質地幾水潤, 容易吸收又唔笠~
但只用過一包sample仔用唔足7日唔知係咪真係咁work呀!

shu uemura 除左卸妝油出名之外, 第2應該係泡泡base啦!!!!

當主持人問 : 大家應該有用過泡泡base架啦?

我好想答 : 我冇XD

今次推出呢支比之前的更潤...我都曾經聽說之前那款較乾呢!!!

我真係第一次用架...完全控制唔到o個下力...吱到咁

其實份量好似粒荔枝咁大就夠架喇 !!

上泡泡base tips : 用卜點印上, 唔好拉同推~

之後就到我地開始喇 !
落完妝就上Skin Care...

個泡泡base份量控制得不太好...人地第一次嘛=3=
有輕微均衡到膚色, 不過我都覺得難推勻...鼻翼仲有d卡粉
仲有會白左少少, 我個人唔太喜歡偏白妝感~
呢隻新推出已經較潤, 但我未用過比較唔到, 都覺得要做好保濕先再會更好 !

之後上埋粉底, ba預先揀比我地...但我覺得又係白左d...
遮瑕度都OK喎~
不過又係鼻翼卡粉...我諗個BASE都有影響 !

底妝完成就到彩妝喇 !

今年秋冬推出限量版迷醉可可彩妝系列, 以朱古力為靈感,
加上熱情、愛和歡樂為主題, 帶來如朱古力般誘人的感性彩妝

限量版六色可可眼影組合, 以朱古力的啡調為靈感,
眼影盒和眼影上更有仿朱古力的優雅花紋, 將眼影組合幻變成尊貴美味的朱古力

‧　桑莓與朱古力咖啡眼影組合

‧　香橙與開心果眼影組合

‧　薄荷與雲呢拿眼影組合

 

有晒價錢喇~

MODEL只化左半邊, 對比一下...好明顯唔同左!!!

之後又到我地自己化~~~~

因為太趕...都冇時間慢慢影
所以時間關係, 我化好喇XDDDD

都係用番最易CARRY的一盒...大地色 X 粉紅!!!
支唇膏我好喜歡個色呀! 好自然~

仲有我終於試到shu uemura睫毛夾...真係超好用!!! 我要買啊~~~~
好耐都冇見過D睫毛咁太陽花喇XDDDD

回到家再補拍(Well, 你可以話係自戀XD)一下...
天氣又熱又焗...出左少少汗同油...好似睇落仲自然左!!!

不過我覺個個底妝都係o岩秋天用, 因為都偏潤...唔太適合呢d天氣用~

最後抱了以上秋冬彩妝回家, 真係好開心呀!!!
想知我拎左咩色? 下篇我會開箱~~~
到時留意下啦!!!

就這樣