Yo~~~~~~早於新年前已經抬左呢部野回家 !
唔係講笑, 呢盒野都OK重, 好在有人幫手拎
今年新年好忙, 年初三赤口不用外出拜年, 先有時間開箱咋=3=
之前都提過會送一本由Blogger大蚊寫的食譜
點知原來裡面仲有一本架 !
呢本就教比較簡單的菜式
我阿E話整叉燒一流架, 下次試下先 !
至於大蚊呢本就精美好多, 而且D菜式都高難度少少 !
有土匪雞翼呀, 次次食譚仔必點的, 正~
仲有連炸鮮奶都有, 呢個男友話想挑戰喎, 睇下幾時食到啦下XD
打開了!!! 特別版啡色都幾靚仔呀 !!
我見到最近又有團購好似出左紅色呀, 點解唔出粉紅色架?!
仲有隻光碟, 不過未有時間睇呀~.~
之後就有堆煮食用的附助工具, 好有用架, 唔好唔見 !
有安全鎖, 唔驚開左個蓋會突然冚落黎, 同樣要冚都要按實先可以啦 !
其實掣都係得幾粒, 操作好簡單
睇說明書話剛開始用時要用250度空烤5分鐘就可以將機件保護油脂完全揮發
我第一樣整的就是鍋貼
平時我絕少買呢類食物, 因為要用油煎, D油仲會彈到周圍都係, 洗又麻煩
一句講晒『懶』XDDDD 所以寧願唔食囉~
每次可以整到半包(八件)
2本食譜都冇提到鍋貼點整, 我就上網搵下啦
最後比我搵到, 用高架+煎碟, 加少少水先有煎的效果, 250度5分鐘之後反轉整多3分鐘就OK喇 !!!
另外仲搵到其他做法 : 預熱2分鐘, 用煎碟, 220度12分鐘, 不用反
其實方法好多, 多嘗試就知邊個最好啦 :D
男友同我都覺得好好味呀!!!
光波爐好處係唔需要落油, 感覺健康好多
不過都唔好成日食啦, 都熱氣架嘛~
見鍋貼挑戰成功, LEVEL UP, 整香蒜雞翼先
呢PACK係惠康買, 一早調好晒味架喇 !
250度8分鐘, 反一反, 再250度5分鐘
香蒜雞翼8分鐘就食得喇 !!! 好有效率呢 !
整完出黎男友都好驚訝咁快可以食得, 仲話好似 BBQ D 雞翼
而且D肉仲好嫩好JUICY, 真係好好味呀 !
迫晒雞翼D油出黎, 又唔記得買錫紙, D油多到呢....
下次就醒目先墊錫紙, 咁清潔就易好多了
前面整得咁成功, 又再LEVEL UP XD
整媽咪幫手調味的三文魚頭
呢個食譜有教呀XD
高架+煎碟, 250度8分鐘之後反轉整多5分鐘
有冇發覺我整親都係250度8分鐘之後5/3分鐘? XDDDD
一D都唔乾, 不過有少少腥, 已經落左好多手磨黑胡椒架喇~
下次要落D檸檬汁先!!!!
整完3樣野, 轉眼間就到左情人節XDDDD
今年講好慳錢o係屋企食
就整男友最喜歡吃的雞翼
買左包急凍雞翼, 解凍之後用少少雞粉醃一個鐘左右
因為無買老抽呀, d色唔係咁靚仔
反轉時就2邊都搽上蜜糖, 等多5分鐘搞掂 !
之後整多4條腸仔, 再加茄溶意粉, 排得靚靚仔仔就成為主菜了 !
雖然好簡單, 不過男友好滿意呀 : )
因為我本來就唔太識煮野食的 (已經努力學習中)
有前菜(三文魚併蘋果藍莓沙律)、主菜(蜜糖雞翼腸仔意粉)、甜品(朱古力&藍莓Cheesecake)
仲懶浪漫點埋爉燭XDDD
不過對面條友係背心短褲家居LOOK, 大剎風景呀真係=,.=
今年好在有光波爐幫手, 先整到餐比較似樣的情人節大餐
總結, 我係識煮野食架XDDDD (有光波爐係好難唔識囉其實...)
今次分享咁多先, 我會繼續研究其他LEVEL UP菜式, 有時間再分享啦:D
就這樣
沒有留言:
張貼留言