【序】
這次親子遊韓去得十分之突然，因為有親故在某旅行社上班
有時會有一些 Staff Price 快閃團可報，當天只用了五分鐘左右決定報名
1月尾報團 2月頭就出發了~~~~~(極速)
今次主要是想陪良久沒去外地的貓媽去下旅行輕鬆下見識下
因為貓媽一直好希望全家可以去旅行，上年本來有機會全家一起去台灣的
最後因為有家庭成員假期問題就擱置了，我知道最失望的是貓媽，所以2014年其中一個目標是全家旅行
可惜要決定得很快，今次未能跟全家去，但能夠跟貓媽倆人去也不錯啦:D
因為是跟團主要遊走景點，shopping時間不多，所以我也沒期望買很多
去之前都只是 list 了幾件打算入手的 Skin Care 而已~~~~
反正我一定會再去韓國自由行
這堆就是屬於我的戰利品，全部都是我的，手信已經分配好沒一起拍~~~~
對於購物狂來說很少吧?XDDDD
因為行程中有釣冰魚，所以我們都帶了雪褲雪褸保暖東東等，把喼都塞滿了~
而貓媽好怕超重，最後一日才去明洞 Shopping 一直叫我不要買不要買XDDDD
我也很聽話放下好多...但上磅才知道我們 2 個喼塞爆後都只是各 12KG 而已@/////@
下次一定要買一個大的去韓國 !!!!!
不過放心，前天親故又帶團去了韓國，我又 ORDER 番之前沒買的~
購物狂始終都是購物狂~~哈哈哈
好！我們來開始吧！
其實我一心只想買 Skin Care 同 1000won 襪仔，沒想過會買衫褲鞋袋等東西...
背包在新村買，行程原本沒新村這行程，是我們加錢額外去的
零下逛新村加上像颱風一樣的天氣...戰鬥力已經下降 50%
新村除了好多 1000won 襪仔之外，都有好多 10000won 的袋 (約HK$72)
很復古的感覺，我要了紅色，也買了一個深藍色給男友，本想襯成情侶的...
目測韓國都幾多情侶用情侶東東，好多都唔娘仲好型架~~~(羨慕)
不過紅色唔係個個鐘意...我又放棄唔到紅色....算吧XD
買完之後回酒店打開看看到 MADE IN CHINA 的 TAG................哈!!!! 不過都抵的~~~
然後發現背包原來是超級"牙"位架 !!!!!!!!
如果可以的話，走時要背著上機會比較好~~
之前已經聽朋友說韓國衛衣約 HK$70 有件...
新村好多時裝店門口都有 5000WON 同 10000WON的衣架，當然愈貴就愈入啦~~~
細心搵下都有唔少靚衫，記得睇下個 TAG 要係 MADE IN KOREA
因為冬天衫都好大舊，忍手只係買左2件咋~~~~
灰色個件我見到有間賣 10000WON 已經好心動，點知另一間只係 WON5000 (約 HK$36)
不過最後一件仲有一小點唔覺眼的污跡，可能因為咁先咁平，之後問左貓媽話洗得甩，所以都照買~
因為要騰空個喼，第日已經即著，有團友好眼利都問我係唔係韓國買，仲話好襯我呀@///@
不過呢...我行花園街見到同款唔同色，料都好似
但TAG上沒有MADE IN KOREA，都只係約 HK$90 咋~~~~
果然 MADE IN KOREA TAG 都只係表面野黎XDDD
另一件只要睇個顏色就知道點解我會入手啦，我真係發左顛咁好鐘意呢隻色呀XD (好靚呀.....)
去完新村我知道點解近年咁多人飛去韓國批貨番香港賣了...唔!!!!
都係個句...下次要拎個大喼呀XDDDD
去到新村一定一定要買的非襪仔莫屬了！！！！！
1000WON (約HK$7) 一對，我足足買左 26 對當手信派呀~
上面個堆是我本人的~~~~太少了XD
哈哈笑之前親故已經買過比我，勁鐘意所以買多對做後備
D款多到不得之了，花多眼亂，對對都想買
但天氣又好凍...寒風中於街頭揀襪 + 思考真係好難忘
呢對係我買完20對之後臨走唔小心睇到的...超搞鬼呀!!!!
反落黎仲要係蝴蝶結，凍都要包色入手 (好在只得黑紅兩色)
去到樂天世界點都要買少少記念品，比較實用又平又有代表性的就只係搵到呢塊鏡
估唔到只需 2000 WON (約HK$14) ，又抵又靚~
之後臨走去轉廁所又見到呢對襪.........................哈哈!!!
雖然要 2500WON (HK$18)，因為無咩點買野所以XD
有日去坡州 OUTLET，10:00AM 開門我地就 10:00AM 去XD
好凍...仲好早冇乜人行...全部都係大牌子的 OUTLET
本來都唔打算買波鞋，都係因為"牙"位啦...
點知對呢對香芋紫一見鐘情，平時好少留意波鞋，所以 55300WON (約HK$400) 都照入手，好美~~~~
配上 1000WON 襪仔，好韓呢~~~~
第一日第一站去了 Skin Anniversary，竟然見到 DR.MIZ
由於當時不太清醒 (凌晨機沒睡過) 轉數不是很好，又趕著上車去下一站....
看到 NO.2 瘦腿 只售 9000WON (約HK$65) / NO.1 提臀 10000WON (約HK$72)
看了 SAMPLE CHECK 過下褲頭防偽是針織上去的
又只有 5 分鐘購物時間，加上貓媽又說買啦買啦 (因為是第一日什麼都可以買 ? XDDD)
再看到有九分........
早前已經入手兩條 NO.2 襪褲天天著，覺得襪褲實在不太方便
最後好快手立左 2 條 9 分 NO.2 及 1 條 9 分 NO.1 去付款
之後我發現....DR. MIZ 好像沒出過 9 分款，如果是假的也假得太真了吧 ? XDDDD
我已經穿過 NO.1 提臀，比我本身的 NO. 2 緊同厚好多
感覺似壓力襪，不過著上去都好舒服，仲堅提臀修型喎~
我會再認真 CHECK 下 QR CODE 同 BAR CODE 等資料
之後我會出一篇 DR. MIZ 試穿文，到時再同大家報告~~
如果是假的就當買對普通絲襪吧~~~反正不算貴 (此人是在自我安慰XD)
大家也小心購買吧~~(奇怪~~~我怎麼說到已經是買了假貨一樣呢?!!XD)
忘了說我看到 Olive Young 都有 DR.MIZ，No.2 要15000WON (HK$108)
因為已買沒仔細 CHECK 是否真貨，不過 Olive Young 應該不會賣假貨吧?! (思考)
因為在明洞沒買什麼 SKIN CARE，買 SKIN CARE 最煩是一定要放入喼，如果要退稅最好放入同一個喼
而來到最後一日我們的喼已經爆了 9 成 T_____T
購物病又發作點都要買少少野...
於 Olive Young 看中這個 Unix mini multi iron (18000WON / 約HK$130)，當時心諗超重咪 hand carry XD
其實我家中已經有 3 枝大捲同 2 枝細捲
不過就沒有一個迷你又可夾直同曲的，同埋冇野買嘛XD
不過要叫男友幫手改左個 2 腳插頭，以後去旅行就帶佢喇 (都唔知幾時再去旅行....)
不得了！！！我發現我太長氣~~~~~
為免文章太長，我分成上下 PART，下PART主要講買左好少的 SKIN CARE 同送手信啦:D
就這樣
沒有留言:
張貼留言