上個月我單人匹馬殺入長洲比個驚喜男友 --- 接收工！
我係咪好好呢？其實姐只是以接收工為名，主要想入去行下食下咋XD
大約 5pm 左右到達，男友才開始準備收工，所以我就先衝去最近碼頭的甘永泰醫醫肚
有好多唔同種類，而且都唔算平架！
我就緊係食自家製魚旦 (HKD15)，已經好多年冇食過，記憶中幾好味
雖然平日但都要排一陣，因為會整番熱先賣比你
熱辣辣幾好食！有魚味又彈牙，如果 HKD10 我一定會食兩串！
之後我就出發找尋多多麵之旅
是咁的，2008 年我生日去了長洲 2D1N，當時做好功課搵左好多長洲美食
其中多多麵就是其中一間，當年一致覺得好好味
之後 2009 年我的生日又再去長洲一天遊，又到訪多多麵
數數手指，相隔 5 年我們又再次踏足長洲
睇到 OPENRICE 上的多多麵仍在就決定去搵搵
地址：長洲大新後街111D A 座地下
誤打誤撞終於搵到喇！已經不是 5 年前的位置
這個餐牌除了價錢外就跟之前差不多
食食下男友就到了，他知道我搵到多多麵都好意外，這碗是他點的！
我覺得同當年一樣好味！食得辣一定要食辣！
其實除了味道之外，我們吃的還包括回憶，這點是無價的
已經吃了 6 年，一起吃到 80 歲，好嗎？
在船上看 IG@corner90cc 發現這間有天然香薰蠟燭，剛巧就在多多麵附近
就這樣入手一粒西瓜味香薰蠟燭 (HKD89) 可點 72 小時
這是瑞士 Handmade Brand - Swedish，產品選用瑞士和泰國天然優質材料，之後在中環 studio 一手一腳製成
現只在長洲跟 peel St 有售
太開心喇！一場黎到都買到蠟燭
番去即點！好香西瓜味呀！已叫男友有機會入長洲工作再回購
食飽飽周圍行，發現古蹟長洲戲院
又影下相
之後行去東灣吹下海風，超大風呀！
無無聊聊又 Selfie 下
故鄉茶寮紅豆餅同手捲就在附近，一場來到就幫襯下
以為咁少紅豆，點知愈食愈多XD
其實唔係話特別好味一定要食，如果要排長龍都可以 Skip
十年如一日的棉花百貨，去過長洲的應該有印象
隔雜黃色小店好多特式手作，但太晚未看完就打烊了(可惜)
長洲都有愛情鎖......
聽說用其他鎖會被剪的，果然是生意人的頭腦
我寧願食多串魚旦
發現 meme 小店
長洲大魚旦(HKD10)都是必食的，這間最近碼頭，有5-6種醬汁，我點了一粒麻辣同一粒梅子味
麻辣真係好麻辣，太辣了
反而當初好猶豫的梅汁好味
唔想太夜先搭船，所以好早就去食晚飯喇！
黎到長洲要求唔高的話，海鮮套餐都幾抵食
成排大排檔睇完評論之後就決定去呢間
我地點 HKD198
先黎勁大碗栗米魚肚羹，估唔到咁大碗，每人至少飲到 6 小碗，都 OK！
豉椒聖子，睇落好多其實唔係，不過兩人食足夠，味道不過不失
凍左有 D 腥呀~
薑蔥炒蟹，蟹好細隻冇咩肉，好麻麻！
下次可以唔叫
最愛椒鹽瀨尿蝦，新鮮好食，好多隻但部分偏細
我唔客氣喇 : )
就係呢間，愈夜愈多人，我老闆埋單出黎喇XD
食完又未夠鐘搭船就去買甜品上船食啦！
隨便揀左呢間
買左兩粒馬卡龍 (HKD8@)，但比錯左芝麻我，明明我要朱古力
另一粒是綠茶，味道都唔錯
男友的蘋果芝士焗餅，配蘋果少見，都OK
我的曲奇芝士焗餅就麻麻地
仲買左1粒榴槤糯米糍同芒果糯米糍，好似都係HKD10@
榴槤糯米糍好味，但希望個餡可以多D，好似芒果糯米糍咁就完美了
芒果糯米糍真係好好食，都係是但搵間買都已經咁好食，要同男友搶食，早知買多粒啦XDDDD
我仲買到最後一盒麥糯米(HKD20)，之前在 IG Shop order 過，
但最後因為某原因交易取消左...一直冇機會試！
真係好好味呀！好想再食~~~~
2 個大胃王由頭食到落尾，多謝收看:p
就這樣
沒有留言:
張貼留言