PPC 神纖油聽過就未用過，之前睇過好多 review 都話熱到飛起XD
今次新推出 PPC 纖顏 V 熱精華(HK$360/30ml) 專為面部而設，輕塗已經形成出一條會微熱的燃脂隱形V面帶，針對脂肪形鬆弛包包面，對於身算瘦但面仲係圓碌碌的我實在吸引
脂肪型同肌肉型都得喎！
但天生面骨闊想要 V 面都要去整容削骨先得 (有一定風險架下)
主要成分：
- 磷脂膽鹼 (PPC)：專為而部而設的醫學成分，微熱力可集中燃燒下顎多餘脂肪，促進肌底循環代謝，減少囤積水分，有助緊致肌膚，改善浮腫，塑 V-Shape 輪廓
- 緊膚藻精華：如肉毒桿菌原理，針對肌膚型咀嚼肌，可刺激膠原蛋白及彈性蛋白的循環再生
- 六胜肽：修護頸部肌膚，增強減淡頸紋效果，提拉、緊緻肌膚
質地易推，較杰身，推勻後有會有少少黏手
每次大概用一泵份量
完成所有護膚程序之後將精華分別塗於兩邊下顎至頸部位置，並於每個位置輕按 10 秒
右圖的穴位是我每次按摩前必按的，美容師教用來開穴道排毒之用
盒上好清楚有圖介紹點按摩
用食指及中指擺出 V 字手勢，食指放在面部，中指則要緊貼下顎輪廓位置
用 V 字手勢從下巴朝耳朵方向輕力推上，然後用力夾住耳朵，每邊重覆 5 次以達到最佳效果
搽左一陣就會開始感覺到熱力(此感覺因人而異，各有不同)，大概會維持 30 分鐘，期間有時會感覺痕癢是吸收過程的反應，另外記得有傷口一定要避開 (如暗瘡傷口)
我覺得天氣不太熱時用還可以的，但最近天氣開始熱又未係時候開冷氣，睡前搽好熱力還會維持 30 分鐘其實有點難受，如果冬天 / 開冷氣時用會比較舒服
其實早晚都可以用，但我不想熱住出門口，所以我只有晚上才用
用了一個月左右，都有配合一套面部按摩，但有時見有呢支纖顏精華就懶沒再按
效果不算好明顯，但都可以睇到面型有緊緻少少 (又或者之前係水腫?!)
側面腮線都有少少緊緻提昇，用手摸雙下巴都有改善到
唔打 botox 想有 V 面其實好難，但都好過冇啦！
瘦面同 Keep Fit 都急唔黎，會 Keep 住用同按摩，我相信只要堅持到最後就會成功，共勉之
最後我想講唔知係支管太粗定樽口太細，頭幾次用完扭番埋都出現滲漏情況，搞到成手都係都幾唔方便；仲有樽身 d 字會甩色，好似用左好耐咁...
因為產品會有熱力反應，用前請務必看一下注意事項
就這樣
沒有留言:
張貼留言