我睇番記錄對上一篇自己化的妝文竟然係半年前 =口="
抱歉讓大家看太多素顏，又係時候 update 下我喬妝之後的樣子喇XD
今次用的是來自韓國的 Bisous Bisous，少女風包裝真係超靚
2015 年進駐香港，於指定莎莎獨家發售
最吸引就係呢盒 Love Complete Makeup Palette (HK$358 / 18.9g)
我會形容呢盒係一個變身寶盒，點解咁講？睇落去啦！
估佢唔到竟然係意大利製造
一打開就會見到有四色啡系眼影，有另一盒係粉色系眼影
蜜桃色胭脂、粉橙色唇彩同睫毛液
再拉開下面仲有粉餅呀！
係咪好似小學用過的變身筆盒呢？
如果化一個普通淡妝呢盒完全做到，旅行用一流！既慳位又方便
我先化左個底妝，就直接用粉餅定妝
個人習慣用掃上粉餅，薄薄一層定妝就足夠
粉質都算幼細，有少少飛粉，以為顏色會好白，上面後都可以接受
底妝完成就開始化眼妝
眼影比想像中出色，仲好閃，同樣有少少飛粉問題
唔建議用內附的眼影棒，好硬唔好用
無工具的話用手指上更好
已經出文講左幾次大地色畫法，所以都唔仔細介紹點化喇！
因為我化黎化去都係大致方法
總之眼影搞掂！
眼線用 Love Blossom 72 hrs Pen Eyeliner (HK$118 / 0.55g)
筆尖幼細，容易控制，可以畫到好幼 / 好粗的眼線
顏色唔係深黑而係自然淡黑色
產品介紹高效防水、防油
我沖水沖左一陣，印乾個 B 字都有少少甩，但都可以接受
出墨都好平均，上眼都幾易畫
最後用埋盒入面的防水睫毛液
係一支可以做到根根分明纖長型的睫毛液
輕質地身用後唔會令睫毛下塌
上圖左邊有用，右邊未用，大家可以比對一下
眼妝全部完成！
個人好鐘意呢個色系的胭脂，比人感覺好健康
胭脂都好上色，建議用大胭脂掃上
最後搽埋個咀先！
又係好自然的粉橙色，但可惜好乾呀 : (
已經用左好潤的潤唇膏打底都乾到現唇紋
唔好漏左指甲都要扮靚喎！
Love Blossom Petit Secret Nail Polish (HK$58 / 12ml)
Bisous Bisous 推出超過 40 多種顏色供大家選擇
每支甲油均附送介指飾物，選色之餘更可以選擇心水介指
甲油唔算超好油，又唔算快乾，但幾持久
要上兩層先做到接近樽身的顏色，呢隻色搽完我又覺得幾靚喎！
極少用粉藍色，覺得有點顯黑，白皮膚可以 try try，都幾 Summer feel
好喇！又係自戀自拍 10 萬 8 千次的時候.....
太耐冇喬妝自拍，一開始唔係好識就角度
搵到個逆光位就無敵喇XDDDDDD
有逆光就有希望！
影左一陣就有滿意自拍照喇！收工～Yeah！
售賣點 ： 指定莎莎獨家發售
查詢電話： 3512 1300
* 產品由品牌提供
就這樣
沒有留言:
張貼留言